Díli, yokalaumedia.com (09/11/2023) – Vice-Primeiro Ministro, Ministro Coordenadór dos Assuntos Sociais, Ministro do Desenvolvimento Rural, e Habitação Komunitária, Mariano ASSANAMI Sabino, orienta ekipa Konsellu Seguransa Ai-han no Nutrisaun iha Timor-Leste (KONSSANTIL), servisu maka’as hodi konsentra iha kombate ki’ak no má-nutrisaun iha area rural.

Orientasaun nee hatoo husi Vise-Primeiru Ministru bainhira partisipa enkontru dahuluk ho konsellu refere iha mandatu IX Governu Konstitusional nian ho tema, Revitalizasaun KONSSANTIL, no Validasaun Vizaun Komunitaria no Planu Asaun Suku Pilotu Kona-ba Seguransa Ai-han no Nutrisaun.

Tuir dadus neebé relata husi index Hungry (Hamlaha) katak Populasaun Timor-Leste sai primeiru lugar iha nasaun sira sudueste Aziatiku ho 30.6% tinan 2022 nian, Mal nutrisaun króniku neebé bolu stunting iha 47% labarik moris ki’ik okupa 48%, laiha hela fatin, falta edukasaun, la asesu ba bee-moos, saúde no nútrisaun ladiak.

Dadus nee mós hatudu povu Timor-Leste 42% sei kontinua moris iha pobreza no 94% komunidade rural la fase liman  tanba ne’e presiza ema hotu nia servisu hamutuk hodi kontribui ba kombate kazu mal nutrisauniha rai laran.

Relativamente ho dadus refere, Vise-Primeiru Ministru hatete entidade presija esforsu hodi revitaliza planu no polítika neebé iha ona hodi rezolve problema ki’ak, Má-nutrisaun no kampu servisu neebé ohin loron seidauk rezolve nee hotu sai alvu atu solusiona ba oin.

“Iha nee hau hasoru fila fali ema antigu sira neebé antes nee ita hamutuk koalia planu, programa, maibé ohin hau simu rekomendasaun husi imi katak, sei falta iha liña kordenasaun nivel polítika tanba nee ita la konsege, ohin hau mai fila fali atu hametin koordenasaun nee ho diak liután iha nivel politiku no tekniku”, dehan dehan Vise-PM no Ministru MKAS, iha City 8, Dili.

Vise Xefe Governu ne’e mos husu ba Xefe Suku Afasa husi Baukau, Xefe Suku Fahi-Nehan husi Manu-fahi no Xefe Suku Daudu husi Bobonaru, ne’ebe sei implementa projetu pilotu ba eradikasaun ki’ak no kombate má-nutrisaun ne’e, atu atu prepara aan hodi simu projetu refere tanba iha futuru suku hirak sei sai hikas laboratóriu ba suku seluk.

Partisipa iha enkontru dahuluk KONSSANTIL nian, ne’ebe kompoen husi ministeriu 8 ne’e mak sai membru mak, Ministru Agrikultura, Peskas, Pekuaria Floresta, Eng. Marcos da Cruz, Sekretariu Estadu Floresta Eng. Fernandinho Vieira da Costa, Seketariu Estadu Dezenvolvimentu Lokal, reprezentante Food and Organization (FAO) inklui autoriedade lokal balun.

Reportagem : Eva Ximenes

 2,307 Tatal Lee,  1 Views Today