Díli, yokalaumedia.com (13/02/2024) – Iha loron 12 fevereiru foin lalais ne’e, manorin-na’in konratadu sira kontinua hikas asaun manifestu iha resintu ministeriu Edukasaun, hodi buka dalan ba hetan direitu ba sa Ministeriu la estende sira nia kontratu hafoin tinan ida selebra ho governu.

Protestu ne’e hetan atuasaun husi PNTL, iha ne’ebe kaptura mos profesor balun inklui mos profesora sira hodi ba detein iha cela polisial Kaikoli Dili.

Provedor Diretu Humanu no Justisa (PDHJ), Virgilio Guterres “Lamukan”, perante situasaun ne’e hato’o nia lamentasaun no hateten katak Polisia Nasionál Timor-Leste (PNTL) viola Diretu Konstitusionál ema nian bainhira halo atuasaun ba profesor kontratadu Sira ne’ebe ba ijiji nia diretu ba ministra  Edukasaun.

“ha’u atu informa katak horseik hetan Komunikasaun husi maluk profesores sira I ha’u Haruka kedas Ekipa fiskalizasaun nian ba hare, Infelizmente sidauk hasoru ho maluk profesores ne’ebe iha detensaun mak ohin husu ba sira ba fali”, Haktuir Virgilio Guterres iha salaun apuramentu CNE, tersa-Feira (13/02).

PNTL la iha nesesidade atu halo detensaun ba profesores sira tanba sira ne’e ba iha ne’eba atu espresa sira nia openiaun, diretu Konstitusionál hasoru entidade públiku ne’ebe kaer sira nia distinu.

“Polisia laiha nesesidade atu halo aprensaun, Polisia iha obrigasaun atu garante manifestasaun ne’ebe profesor sira halo ne’e la prejudika servisu interese sira seluk, Polisia esforsu atu dispersa ema fila ba uma, la presisa ba kaer, sama ba rai, halo turtura hanesan ne’e. Lamenta tebes-tebes ho atuasaun Polisia nian atu halo detensaun ba profesores sira ita hotu akompaña problema ida ne’e Estadu nian atu hare ninia profesores sira, balun nia estatutu ita sei hare kontratadu tinan sanulu resin ne’e sira sente katak sira Lakon nune’e sira iha diretu atu ba hato’o”, Virgilio lamenta.

Entretantu problema ida fali mos PDHJ hakarak Ministra atu fo esplikasaun apropriadu kona ba profesor hirak ne’e nia ezijensia atu evita asaun profesor sira nian.

Iha oportunidade refere mos Provedor apela ba Polisia atu liberta profesores sira ne’e inkondisionálmente tamba sira ba halo manifestasaun ba ezije duni sira nia diretu.

Reportagem :Eva Ximenes

 1,241 Tatal Lee,  2 Views Today