Díli, yokalaumedia.com (11/03 /2024) – Universidade Waseda hosi Japaun sei harii sentru estudu ba hodi fó kapasitasaun ba foin sa’e Timor-oan sira.

Lider Masimu Professór Universidade Waseda Japaun, Mitsuru Yamada informa asuntu ne’e bainhira hasoru malu ho Primeiru-Ministru, Kay Rala Xanana Gusmão hodi introdus kooperasaun ne’ebé sira deskute ona iha vizita Xefe Governu ba Japaun iha loron 17 dezembru 2023.

 “ha’u mai hala’o enkontru ho Primeiru-Ministru, Kay Rala Xanana Gusmão, ami ko’alia kona-ba Sentru Estudu Japaun hodi apoiu ba tékniku kreativu sira iha Timor-Leste”, informa Professór Mitsuru Yamada, iha Palasiu Governu Dili.

Professor Yamada Yutsuya nu’udar belun di’ak ba povu Timor-Leste no koñese di’ak Xefe Governu Xanana, tanba professor ne’e fó mós kontribuisaun ba prosesu kontrusaun estadu Timor-Leste.

Durante hasoru malu professór Mitsuru ho Xefe Governu ko’alia mós kona-ba interkámbiu entre Timor-Leste ho Japaun.

“ami-rua halo mós diskusaun kona-ba oinsá apoiu foinsa’e sira, hodi bele kontirbui ba dame. Tanba bainhira ita hare’e ba situasaun iha mundu agora nakonu ho konflitu. Ita iha ne’e hodi dudu interkámbiu entre kultura, dame no dezenvolvimentu,” tenik nia.

Entretantu, durante ne’e Universidade Waseda liu hosi Japan International Corporation Agency (JICA) fasilita bolsu estudu ba estudante sira, no agora iha ema na’in-neen husi Timor-Leste mak hala’o hela estudu, balun mai hosi dosente Universidade Nasionál Timor Loro-sa’e ne’ebé ba hasai sira nia kursu iha doutoramentu.

Universidade Wasede durante ne’e estabelese ona sentru estudu ida iha UNTL no haruka Professora Dulce Martins husi Departementu Konunikasaun Sosiál-UNTL ba eskola hodi hasai kursu doutoramentu.

Reportagem : Eva Ximenes

 1,395 Tatal Lee,  1 Views Today