Díli, yokalaumedia.com (03/12/2024) – Ministériu Eduksaun liuhusi Diresaun Nasionál Sistema Informátika no Teknolojia (DNSIT) servisu hamutuk ho HANDS (Halimar, Aprende no Deskobre Susesu) hodi halo aprezentasaun rezultadu avaliasaun ba Vídeo mundu labarik ne’ebé durante ne’e prodúz husi Ekipa HANDS no DNSIT atu ajuda estudante Pré-Eskolár sira iha prosesu aprendizajen nian, iha sala konferensia Ministeriu Edukasaun, Vila-Verde, Dili.

Hafoin halo aprezentasaun, Diretór DNSIT Sr. Jónio Guterres Rosário hateten, objetivu enkontru ida ne’e mak atu Ekipa DNSIT ho HANDS hodi haree rezultadu Avaliasaun ba Vídeo Mundu Labarik ne’ebé durante ne’e prodúz atu ajuda dezenvolve abilidade estudante sira nian iha prosesu Aprendizajen.

“Vídeo Mundo Labarik hanesan produsaun konteúdu sira ne’ebé atu tulun manorin no estudante sira iha prosesu aprendizajen liga ba maneira sira atu aprende literasia no numerasia ho fásil liu”, Tenik Diretór DNSIT.

Iha sorin seluk, Jerente no Asesora HANDS Sra. Milca Pinheiro akresenta, HANDS hanesan programa Ministériu Edukasaun nian ne’ebé hetan apoiu husi Governu Nova-Zelandia atu bele halo produsaun ba Vídeo sira ne’ebé bele tulun manorin no estudante sira iha prosesu aprendizajen.

Aprezentasaun ne’e hetan partisipasaun husi Diretór DNSIT, Jónio Guterres Rosário, Ekipa HANDS no Funsionáriu Diresaun Nasionál Sistema Informátika no Teknolojia sira.

Reporter : Eva Ximenes

 26 Tatal Lee,  1 Views Today