Díli-yokalaumedia.com, 19/05/2023 – Partidu Sosialista de Timor (PST) enserakampaina eleitorál iha sede partidu iha Kintal Bo’ot.

Pesidente partidu Sosialista Timor(PST), Avelino Coelho iha nia diskursu observa katak durante tinan 20 povu halerik nafatin ba problema falta Bee-Moos, kondisaun estrada ne’ebe la di’ak, enfrenta nafatin problema finanseiru hodi kapasita oan sira, kontinua halerik ba tratamentu saúde ne’ebe injustu, setor agrikultura ne’ebe paralizadu, setor comersiál duminadu husi ema estangeiru no injustisa polítika no desigualidade.

“Estadu Direitu Demokratiku atu rejolve problema hirak ne’e dalan mak urnas, ita tenke hola parte iha prosesu Demokratiku ida ne’e hodi altera kuadru sosial, ekonómiku, kulturál ne’ebe ita sente marjinalijadu no sente lakontenti”, esplika Avelino.

Iha fatin hanesan jursita timor-oan ne’e mos konta katak partidu sosialista de Timor moris iha tempu rejistensia ne’ebe iha nia legitimidade sosiál, iha nia base sosiál, iha nia kuadru, iha nia militante no kontinua prepara nia kuadru ba jerasaun foun atu nune’e bele defende povu tuir prinsipiu vizaun partidu nian mak Sosialista, Humanista pupolar tuir lisan no kultura Timor nian.

PST iha kampanha eleitoral ne’ebe hala’o durante fulan ida hodi partisipa iha eleisaun patrlamentar 2023 aprezenta programa sira mak hanesan hakarak investe iha setór agrikultura, tau fundu no fo subsídiu ba to’os no natar-na’in sira, hari’i fábrika kafe iha Ermera no kontinua luta hodi defende povu nia popriadade (rai) tamba hakesi ona ho artigu 2 Konstituisaun RDTL katak povu mak iha rai no Estadu la iha rai.

Reportagem: Joanito Rangel

 4,264 Tatal Lee,  2 Views Today