Díli, yokalaumedia.com (21/07/2023)-Sekretario Estadu Formasaun Profesional no Empregu (SEFOPE), despede tan traballador timor-oan na’in 20 hodi ba servisu iha Koreia do Sul hafoin asina asina deklarasaun ho familia traballador hirak ne’e iha Timor Lodge Komoro Díli, sexta-feira (21/07) ne’e.

Xefe Gabinete SEFOPE, Jacinto Ribeiro Diaz hateten deklarasaun refere hanesan regra ida atu kesi traballador sira bainhira atu ba servisu iha ema nia rain.

“bainhira ita atu husik ita nia traballador ba servisu iha nasaun seluk inklui Koreia do Sul ka Australia ita tenki asina deklarasaun ida ne’e hodi kesi trabalador sira nia misaun, servisu tuir normas ne’ebe mak ita deklara ona iha akordu kooperasaun ho Koreia do Sul”, hateten  reprezentante SEFOPE, Jacinto Ribeiro Diaz, iha salaun Timor Logde Komoro, Sexta-Feira, 21/07.

Jacinto esplika husu ba timor-oan, traballador, sira atu halo tuir emprezariu sira nia regra no tenki servisu tenki tuir ema nia  hakarak.

“Ita Timor tama iha linha traballador nune’e tane as nafatin ita bo’ot sira ne’ebe dezenvolve imi nia an iha ema rain, no respeita mos ema nia kultura”, husu Jacinto.

Tuir dadus ne’ebe fo sai husi Xefe Gabinete SEFOPE iha despedida ne’e katak Traballador Timor-oan ne’ebe oras ne’e servisu iha Korea do Sul liu ona ema na’in rihun 5 resin. No traballador na’in 20 ne’e mos sei aranka Koreia do Sul iha 23 jullu semana ne’e.

Iha fatin hanesan, traballador Moises Exposto espresa mia sentimentu kontente tanba bele hetam oportuidade hodi ba servisu iha area peska.

“ha’u sente kontente tamba durante hau esforsu-an ohin bele konkretiza duni hau nia mehi”, Haktuir Moises.

Iha biban ne’e mos, reprezentante Sekretáriu Estadu Formasaun Profissional no Empregu nee hateten katak IX governu sei kontinua prosesa traballador hirak ne’ebe mak rejista ona iha vaga online governu anterior loke ne’e.

“IX Governu ita foin mak mai kontinua la’o nafatin ho dadus sira ne’ebe mak iha hodi kontinua ita nia misaun hodi dezenvolve obra ne’ebe mak iha nune’e joven sira bele hetan oportunidade hanesan”, hakotu nia.

Reportagem : Eva Ximenes

 2,824 Tatal Lee,  1 Views Today