DÍLI, yokalaumedia.com (29/07/2023) – Sekretária Estadu Formasaun Profisonál no Empregu (SEFOPE) Rogério Araújo Mendonça, hamutuk hó Diretór Diresaun Nasionál Empregu Exteriór (DNEE) Filomeno Soares, no reprezentate embaixada Australia mai Timor-Leste Penny Robert, despede tán joven Timoroan na’in 91 kompostu husi feto na’in 15 no mane na’in 76 ne’ebe sei ba servisu iha Australia.

Tuir  Sekretária Estadu Formasaun Profisonál no Empregu Rogério Araújo Mendonça agradese governu Australia ne’ebé iha kompromisu hodi rekruta joven Timoroan sira ba hetán empregu, nune’e bele redus númeru dezempregu nasionál tanba ne’e enkoraza foinsa’e hirak ne’e atu servisu hó responsabilidade, no husu atu labele halai sai husi sistema akordu kooperasaun entre Timor-Leste no Austrália.

“Traballadór sira ne’ebe bá servisu iha Austrália, sira nia kontribuisaun bá Estadu nó familia ne’e bo’ot tebes, tanbá ne’e, Estadu sei proteje sira. Primeiru imi ajuda hadia ekonómiku iha rai laran, Segundu imi hadia ekonomia familiar, Tambá ne’e Estado sei proteje nafatin imi,bainhira imi sei iha ne’eba no husu atu kumpri promesa sira ne’ebe ita bo’ot sira asina ona iha deklarasaun hodi labele halai sai husi sistema, aliás ilegál”, katak Rogério Mendonça, SEFOPE, iha 28/07/2023 .

Rogério Mendonça mos kontinua husu ba timor-oan atu labele pratika arte marsial iha ema nia rain, tanba hanesan trabalhador ne’e reprezenta nasaun Repúblika Demokratika Timor-Leste (RDTL).

Iha sorin seluk Diretór Diresaun Nasionál Empregu Exteriór Filomeno Soares, reaforsa tan katak serimónia depedida no asina deklarasaun ne’e hanesan parte ida atu fahe responsabilidade entre família traballadór hó SEFOPE, nune’e mosu problema ruma parte rua iha hotu responsabilidade hodi bele rezolve hamutuk.

Reportagem : Paulo Collo (Kontributór) & Eva Ximenes (Revizora)

 2,234 Tatal Lee,  1 Views Today