Díli, yokalaumedia.com (10/08/2023) – Sekretáriu Estadu ba Formasaun Profisionál no Empregu atualiza servisu SEFOPE nian Primeiru-Ministru Kay Rala Xanana Gusmão, iha palásiu Governu, Kinta-Feira ne’e.

Iha Sorumutu ne’e Rogério Araújo Mendonça mos lori Embaixadora Timor-Leste  ba Austrália, Inês Almeida no Empregadór balun ne’ebe hakarak mos atu rekruta trabalhador Timor-oan atu ba servisu iha Austrália

 “Primeiru- Ministru  kontente no agradese tebes ho programa SEFOPE nian iha Governasaun IX ne’ebe hakarak redus taxa dezempregu iha Timor-Leste, tanba Kompaña Peoplein/RWN, Tom Reardon hakarak emprega Timor-oan ba servisu iha Austrália”, informa ba Sekretariu Estadu Rogério Araújo Mendonça, hafoin ekontru ho Xefe Governu.

Membru governu ne’ebe toma konta ba Formasaun Profisionál no Empregu ne’e argumenta liu tan katak kompaña Peoplein/RWN hakarak ajuda redus númeru dezempregu iha Timor-Leste tanba ne’e mak prontu atu akolle trabalhador Timoroan to’o rihun 10 ne’ebé sei rekruta fazeadamente.

“Sira hakarak emprega Timoroan ne’ebé ba servisu iha Austrália kuaze rihun 10 ba leten”, argumenta SEFOPE.

SEFOPE no Kompaña Peoplein/RWN sei halo uluk formasaun ba Timoroan sira nia mentalidade iha sentru formasaun ne’ebé loke iha kada munisipiu hodi tuir kursu Ingles molok konkore no Área servisu ne’ebé oferese mak agrikultura, indústria, fábrika, ospitalidade no seluk tan.

Iha oportunidade ne’e, Embaixadora Timor-Leste ba Austrália, Inês Almeida, husu ba juventude feto no mane sira atu prepara aan hodi tuir formasaun lian Ingles, atu ne’e bainhira kompaña presiza sira bele hetan oportunidade atu servisu ho dignu.

“kompaña Peoplein/RWN koñesidu iha Austrália no hakarak simu de’it trabalhador Timoroan, tanba ne’e husu ba kandidatu sira prepara presiza tuir Inglés hodi fasilita ita bo’ot sira bainhira ba servisu  atu nune’e bele halo komunikasaun di’ak”, husu Diplomata.

Reportagem : Mário da Cruz (Kontributór) & Eva Ximenes (Revizora)

 4,434 Tatal Lee,  1 Views Today