Governu porpoin OR hamutuk billaun 1.7

Díli, yokalaumedia.com (13/08/2023) – IX Governu Konstitusionál submete ona proposta Orsamentu Retifikativu 2023 ba Parlamentu Nasionál atu halo agenda deskusaun ho karakter urjénsia inklui mos planu no programa governu nian.

Tuir komunikadu imprensa ida ne’ebe publika iha loron 10 agostu tinan ne’e katak Orsamentu retifikativu ho valór $ 1.771.867.112, entrega direita hosi Vise-Ministru Asuntu Parlamentár, Adérito Hugo akompaña hosi Vice Ministru Finansas, Helder Lopes ba Prezidente Parlamentu Nasionál Interinu, Alexandrino Afonso, iha Parlamentu Nasionál.

Adérito Hugo da Costa informa IX Governu Konstitusionál  iha kompromisu aprezenta programa no orsamentu tuir nesidade.

“𝙊𝙝𝙞𝙣 𝙢𝙖𝙞 𝙖𝙥𝙧𝙚𝙯𝙚𝙣𝙩𝙖 𝙥𝙧𝙤𝙥𝙤𝙨𝙩𝙖 𝙊𝙧𝙨𝙖𝙢𝙚𝙣𝙩𝙪 𝙍𝙚𝙩𝙞𝙛𝙞𝙠𝙖𝙩𝙞𝙫𝙪 𝙝𝙖𝙡𝙤 𝙢𝙤́𝙨 𝙖𝙡𝙩𝙚𝙧𝙖𝙨𝙖𝙪𝙣 𝙗𝙖́ 𝙡𝙚𝙞 𝙚𝙣𝙠𝙪𝙖𝙙𝙧𝙖𝙢𝙚𝙣𝙩𝙪 𝙤𝙧𝙨𝙖𝙢𝙚𝙣𝙩𝙖́𝙡 𝙣𝙤 𝙢𝙤́𝙨 𝙡𝙚𝙞 𝙩𝙧𝙞𝙗𝙪𝙩𝙖́𝙧𝙞𝙖 𝙣𝙞𝙖𝙣, 𝙥𝙖𝙧𝙖 𝙖𝙩𝙪 𝙩𝙧𝙖𝙙𝙪́𝙨  𝙢𝙚𝙙𝙞𝙙𝙖 𝙛𝙤𝙪𝙣 𝙞𝙝𝙖 𝙤𝙧𝙨𝙖𝙢𝙚𝙣𝙩𝙪 𝙧𝙚𝙩𝙞𝙛𝙞𝙠𝙖𝙩𝙞𝙫𝙪 𝙞𝙙𝙖 𝙢𝙖𝙠 𝙝𝙖𝙙𝙞’𝙖 𝙨𝙞𝙨𝙩𝙚𝙢𝙖 𝙣𝙤 𝙞𝙙𝙖 𝙨𝙚𝙡𝙪𝙠”, informa Adérito.

Fatin hanesan, Prezidente Parlamentu Nasionál Interinu, Alexandrino Afonso dehan,  Parlamentu Nasionál sei halo paresér iha oras 24 ni laran hodi prepara lori ba plenária hodi delibera no baixa ba konfrensia reprezentante bankadas hodi haree no halo deskusaun.

“Governu hein Parlamentu Nasionál sei halo preparasaun debate tuir lei no regulamentu hotu”, esplika Prezidente Parlamentu Nasionál Interinu.

Tuir agenda, deskusaun ba orsamentu retifikativu ne’e sei hala’o durante loron haat, hahú loron 10 to’o 14 Agostu 2023.

Alende Proposta OR ne’e, Governu aprezenta mós Proposta Lei ba alterasaun dahuluk Lei n. 15/2022, loron 21 fulan-dezembru, kona-ba Orsamentu Jerál Estadu ba tinan 2023 no Lei n. 2/2022, loron 10 fulan-fevereiru, kona-ba enkuadramentu ba Orsamentu Jerál Estadu no Jestaun Finanseira Públika no alterasaun daruak Lei n.8/2008, loron 30 fulan-juñu, Lei Tributária, inklui mos atu normaliza hikas taxa ba masin-midar husi 5% ba 2.5%.

Reportagem : Joanito Rangel

 1,035 Tatal Lee,  1 Views Today