Díli, yokalaumendia.com (24/08/2023) – Ministru-Ministru (PM), Kay Rala Xanana Gusmão hala’o ekontru ho Prezidente Repúblika (PR), José Ramos Horta, hodi atualiza konaba Orsamentu Retifikativu (OR) ho montante billaun $1,77  hafoin votasaun final finál global  iha Parlamentu Nasionál. Iha biban ne’e mos ko’alia mos konaba Timor-Leste nia partisipasaun iha konferénsia nível altu ka Konferensi Tingkat Tinggi (KTT) Assosiasaun Rejionál Sudeste Aziatiku (ASEAN) iha Jakarta-Indonézia.

“Ha’u mai informa ba Prezidente kona-ba klima ambiente amizade  iha Parlmentu Nasionál ohin aprova ona votasaun finál global ba Orsamentu Retifikativu (OR)”, dehan PM Xanana, iha Ai tarak laran, Kuinta-feira (24/08).

Tuir regra normal, Parlamentu Nasionál liu hosi komiaun C Trata Asuntu Finansa Públika sei halo redasaun finál, molok entrega ba Prezidente Repúblika hodi haree durante semana ida, antes promulga.

Xefe IX Governu ne’e rekoñese servisu lubuk ida mak halo revizaun ba lei sira inklui hadia sistema finansa ne’ebe importante atu dada hikas konfiansa banku mundial no mundu internasionál relasiona ho Timor-Leste nia sistema transparánsia iha ezekusaun orsamentu sira.

“Ha’u informa mós ba prezidente kona-ba revizaun lei  sira, inklui lei amnestia, tanba situasaun iha Timor prizaun nakonu, kazu barak seiduak julga, ita buka atu hadia lei hodi estadu la’o ho konfiansa”, dehan PM.

Entretantu kona-ba reniaun altu nível ASEAN, Xanana Gusmão hateten presija partisipa hodi hato’o mós Timor-Leste nia pozisaun atu sai membru ASEAN iha tinan 2025.

Iha fatin hanesan, Prezidente Repúblika, José Ramos-Horta apresia ho ambiente demokrátiku iha Parlamentu Nasionál halo votasaun finál global ba Orsamentu Retifikativu (OR).

“Ha’u fó parabéns ba Governu no Parlamentu Nasionál ne’ebé halo votasaun ba programa no orsamentu governu liu ho unaminidade. Ne’e hatudu parseria foun konstritivu ba rai ida ne’e”, PR Horta agradese.

Líder na’in rua ne’e mos aborda konaba Timor-Leste nia preparasaun iha reniaun altu nível ASEAN ne’ebe sei realiza iha Indonézia, tempu badak ne’e.

Reportagem : Mário Cruz (Kontributor) & Eva Ximenes (Revizora)

 244 Tatal Lee,  1 Views Today