Jakarta- yokalaumedia.com (04/09/2023) – Primeiru-Ministru, Kay Rala Xanana Gusmão hala’o enkontru bilaterál ho Prezidente Repúblika Indonézia, Joko Widodo (Jokowi) hodi deskute komprimisiu Indonézia nian ne’ebe kontinua apoiu rekursu umanu no ekonomia Timor-Leste nune’e bele hola parte nu’udar  membru Association of Southeast Asian Nation (ASEAN).

Prezidente Repúblika, Indonézia, Joko Widodo agradese bele hasoru malu no kongratula Xanana no membru governu tomak ne’ebé eleitu iha eleisaun demokratiku no simu posse  foin lalais ne’e.

“Indonézia no Timor-Leste hanesan nasaun maun alin, nune’e ita nia kooperasaun tenki hametin liután. Ha’u hakarak informa asuntu tolu, primeiru kona-ba Timor-Leste sai membru ASEAN, Indonézia sempre ajuda no aplikasaun Timor-Leste atu sai membru no kapasitasaun rekursu umanus ba membru governu sira ne’e importante”, dehan PR Jokowido durante reuniaun Bilaterál iha Palasiu Prezidensiál, Jakarta.

Prezidente Jokowi dehan, Indonézia no Timor-Leste sei kontinua servisu hamutuk hodi ajuda rekursu umanu no setór ekonomia no dezenvolvimentu infra-estrutura Timor-Leste.

Xefe Governu, Kayrala Xanana Gusmão, kongratula Estadu Indonézia ne’ebé sai uma na’in hodi organiza forum ASEAN Business & Investment Summit ne’ebé konvida xefe estadu no xefe governu nasaun 26 inklui Timor-Leste hodi hola parte nu’udar obserbador atu bele aprende matenek hosi nasaun membru sira, tanba ne’e agradese xefe estadu Jokowi bele konvida nia partisipa iha forum Association of Southeast Asian Nation (ASEAN) Business & Investment Summit 2023 ba dala-43 iha Jakarta-Indonézia.

Vizita PM Xanana akompaña  direita hosi Vice Primeiru-Ministru no Ministru Koordenador ba Asuntu Ekonomiku, Ministru Turizmu no Ambiente, Fransisco Kalbuadi Lay, Ministru Negosiu Estranejerus no Kooperasaun, Bendito dos Santos Freitas, Ministru Interior, Fransisco Guterres, no Sekretaria Estadu Asuntu ASEAN, Milena Rangel, enkuantu Prezidente Jokowi akompañadu hosi Ministra Negosiu Estranjerus, Retno Lestari Prinsari Marsudi, Sekretaria Gabinete, Pramono Anung, Menko Polhukmam, Mahfud MD,  no Ministru Agrikultura, Syahrul Yasin Limpo.

Reportagem : Eva Ximenes

 3,209 Tatal Lee,  1 Views Today