Díli, yokalaumedia.com (11/09/2023) – Vise-Primeiru-Ministru, Ministru Koordenador Asuntus Sosiais, Ministru Dezenvolvimentu Rural no Habitasaun Komunitararia, Mariano Assanami Sabino enkontru ho Reprezentante Organizasaun Saúde Mundiál (WHO-Sigla Inglesh), Advind Mathur hodi ko’alia kona ba kooperasaun servisu liga liu ba kobertura saúde universál no mos moras la hada’et sira.

Reprezentante World Health Organization (WHO-Sigla Ingles), Advind Mathur, hateten enkontru ohin hodi koalia kona ba kooperasaun entre WHO ho IX Governu Konstitusionál liga liu ba kobertura saúde universál no mos moras la hada’et sira hanesan prevensaun ba tabaku.

Advind haktuir katak liga ba programa kobertura saúde universál ko’alia mos kona ba idozu sira nia saúde hodi kolabora di’ak liu tan ho governu Timor-Leste ho OMS hodi hadia liu tan saúde iha timor.

Entretantu OMS mos sei servisu hamutuk ho nuno Governu hodi elimina moras malaria no mos moras ain potis iha futuru.

“ha’u mos agradese ba Vise-Primeiru-Ministru ba nia komitmentu ba human development kapital sebele haforsa liu tan ita nia saúde iha timor”, subliña Advind Mathur, iha palasiu governu, segunda-feira, (11/09) ne’e.

Alein de ne’e OMS mos rekomenda ba ministériu saude no konsellu médiku sira kona ba aimoruk anti biotik atu labele uja arbiru de’it, nia iha doze ne’ebe los no durasaun ne’ebe koretu ho moras ida-idak ninian.

“ami fo ona rekomendasaun ba ministériu saúde no konsellu médiku sira relasiona ho aimoruk anti biotik tamba aimoruk anti biotik labele uja arbiru tenki tuir ninia doze, durasaun ne’ebe lo’os ho moras idak-idak ninian”, rekomenda OMS.

Advind afirma katak OMS la’os ajensia doador ida maibe nia fornese asistensia tékniku ba governu timor-leste, liu husi programa hanesan nutrisaun no MCD nian iha tina rua nia laran ne’e hamutuk dolar millaun 27.

Reportagem : Eva Ximenes

 2,674 Tatal Lee,  1 Views Today