Díli, yokalaumedia.com (15/09 2023) – Prezidente Repúblika, José Ramos-Horta, sexta feira molok desloka ba Amérika hodi partisipa iha reuniaun Asembleia Jerál Nasaun Unida sira nian, fó pose ba Felicia Claudina da Cruz Carvalho nu’udar Vice Ministra Finansas foun.

Vice Ministra ne’e substitui Helder Lopes hafoin simu pose ba governa Banku Sentral Timor-Leste.

Xefe Estadu, Ramos Horta, husu ba emposadu atu kontinua hatudu profisionalizmu servisu hodi apoia IX Governu Konstisionál lideradu Primeiru-Ministru Kay Rala Xanana Gusmão.

Iha fatin hanesan, Primeiru-Ministru Kay Rala Xanana Gusmão informa, hili Vice Ministra Finansa ne’e tanba iha koñesementu di’ak kona-ba servisu finansa nian, ne’ebe bele ajuda governu nia servisu.

“𝗛𝗮’𝘂 𝗵𝗶𝗹𝗶 𝗼𝗻𝗮 𝘀𝗲𝗻𝗵𝗼𝗿𝗮 (𝗙𝗲𝗹𝗶𝗰𝗶𝗮 𝗖𝗹𝗮𝘂𝗱𝗶𝗻𝗮 𝗱𝗮 𝗖𝗿𝘂𝘇 𝗖𝗮𝗿𝘃𝗮𝗹𝗵𝗼), 𝗮𝗺𝗶 𝗸𝗼𝗻̃𝗲𝘀𝗲 𝗻𝗶𝗮, 𝗻𝗶𝗮 𝘂𝗹𝘂𝗸 𝘀𝗲𝗿𝘃𝗶𝘀𝘂 𝗶𝗵𝗮 𝗳𝗶𝗻𝗮𝗻𝘀𝗮𝘀, 𝘁𝗮𝗻𝗯𝗮 𝗶𝗴𝘂𝗮𝗹𝗶𝗱𝗮𝗱𝗲 𝗷é𝗻𝗲𝗿𝘂 𝗺𝗼́𝘀 𝗵𝗶𝗹𝗶 𝘁𝘂𝗶𝗿 𝗺𝗲𝗿𝗶𝘁𝘂 𝗻𝗼 𝗵𝗮’𝘂 𝗲𝗷𝗶𝘇𝗲 𝗯𝗮 𝗺𝗲𝗺𝗯𝗿𝘂 𝗴𝗼𝘃𝗲𝗿𝗻𝘂 𝗵𝗼𝘁𝘂 𝗮𝘁𝘂 𝗸𝘂𝗺𝗽𝗿𝗲 𝘀𝗲𝗿𝘃𝗶𝘀𝘂 𝗵𝗼𝘁𝘂-𝗵𝗼𝘁𝘂 𝘀𝗲𝗿𝘃𝗶𝘀𝘂 𝗵𝗼 𝗲𝗳𝗶𝗸𝗮𝘀𝗶𝗮, 𝗻𝗼 𝘁𝗿𝗮𝗻𝘀𝗽𝗮𝗿𝗮𝗻𝘀𝗶𝗮,” dehan PM Xanana ba jornalista, hafoin reniaun semanal ho Prezidente Repúblika, iha Palasiu Prezidnesiál, Dili.

Parte seluk, Vice Ministra Finansas, Felicia Claudina da Cruz Carvalho  agradese ba konfiansa hosi PM Xanana no prontu koopera servisu tuir programa IX Governu nian.

Pedidu nomeasaun ho Nu.095/GPM/IX/2023 aprezenta ba Prezidente Repúblika, José-Ramos-Horta iha loron segunda-feira 11 Setembru 2023. Governu hato’o pedidu ne’e kumpre mos proposta dekreitu lei prezidente 86/2023, ihaloron 8 fulan setembro termu Nú.2 artigu 106.

Reportagem :  Eva Ximenes

 1,272 Tatal Lee,  1 Views Today