Díli, yokalaumedia.com (18/09/2023) – Reprezentante Banku Mundiál, Bernard Harborne, reuni ho Primeiru-Ministru, Kay Rala Xanan Gusmão hodi hare kona ba vizaun ho misaun governu da sia nian tanba Banku Mundiál hanesan parseiru dezenvolvimentu ne’ebe estabelese kleur ona ho governu Timor-Leste.

Tuir Bernard Harborne katak diversifikasaun mak asuntu importante ne’ebe presija atu haree.

“ohin ami hala’o diskusaun ho Primeiru-Ministru no Primeiru-Ministru husu atu servisu hamutuk ho parseiru dezenvolvimentu hotu hodi hare ba diversifikasaun ekonomiku no setor sosiál nian”, esplika reprezentante Banku Mundiál, Bernard Harborne, iha palasio Governu, Segunda-Feira, (18/09).

Reprezentante ne’e mos afirma katak banku mundiál investe ona iha setór, Agrikultura, Saúde, Edukasaun, Bee no Infraestrutura inklui mos fasilita impréstimu osan ho funan ne’ebe ki’ik no mos oferese gratuita mos ba governu timor-Leste.

“osan ne’ebe mak banku mundiál fo ona ba governu Timor-Leste hodi imprestimu montante hamutuk millaun dollar atus tolu”, subliña Bernard.

Reprezentante : Joanito Rangel

 3,546 Tatal Lee,  1 Views Today