Xanana Konvida Investór Xina atu mai TL

Xina-Hangzhou, yokalaumedia.com (24/09/2023) – Primeiru-Ministru (PM), Kay Rala Xanana Gusmão no Vise-Primeiru-Ministru, Ministru Koordenadór Asuntus Ekonómikus no Ministru Turizmu no Ambiente, Francisco Kalbuadi Lay realiza enkontru ho setór privadu Xina ne’ebé hakarak loke investimentu iha Timor-Leste.

Tuir komunikadu imprensa ne’ebe publika husi media-GPM katak durante enkontru ne’e, Xefe Governu introdúz programa tomak husi IX Governu Konstitusionál nian ba tinan 5, nune’e bele atrai investor hirak atu bele investe iha Timor-Leste.

“Ha’u fó hatene ba setór privadu iha governu tinan lima nia mandatu atu dezenvolve ekonomia no husu ba investe iha saida deit maka sira bele”, informa PM Xanana hafoin  enkontru ho setór privadu Xina iha Otél, Sofitel sidade Hangzhou Provinsia Zheuhiang- Xina(22/09) ne’e.

Xanana mos esplika liu tan katak Timor-Leste presiza tebes investimentu estranjerus ne’ebé bele tulun dezenvolvimentu infraestrutura no ekonomia povu Timor-Leste, tan ne’e IX governu iha kumprimisipiu bo’ot atu reforma lei investimentu no buka fasilita sistema ne’ebé seguru hodi fó fiar ba setór privadu estranjeriu husi ASEAN no ASIA inklui mos Europa.

PM Xanana setor privadu estranjériu sira atu investe iha estrada, bee moos, portu, aeroportu, agrikultura, peskas, setór mina no gas nian liu-liu esplorasaun greater sunrise no seluk tan.

“Setór privadu sira ne’e sei ba Timor atu haree iha áreia saida de’it maka sir abele halo, ita sei fó ajuda iha área oin-oin de’it”, dehan PM.

Xefe Governu Xanana rekoñese Timor-Leste sei infrenta problema barak iha setór oin-oin no rekursu umanu, maibé povu no nasaun iha mehi bo’ot atu hadia rai ne’e la’o ba oin ho apoiu setór privadu estranjériu sira nia investimentu.

“Ami presiza tebes investimentu atu hadia infraestrutura no dezenvolve ekonomia Timor-Leste”, dehan Xanana durante  enkontru ho Emprezariu kuaze nain-20 iha Otel Sofitel.

Durante enkontru, setór privadu jigante hosi nasaun Xina, Macau, Singapura introdus mós sira nia profile kompaña nian ne’ebé iha interese atu harii investimentu iha Timor-Leste tuir área hirak ne’ebé xefe governu aprezenta.

Enkontru ne’e akompaña direita hosi Ministru Administrasaun Estatal, Tomás do Rosario Cabral, Ministru Planeamentu Investimentu Estrateziku, Gastão de Sousa, Ministru Juventude Desportu Arte no Kultura, Nelio Issac Sarmento no setór privadu reprezenta hosi Eis Prezidente Câmara Comersiu Industria Timor-Leste (CCI-TL) nu’udar mós Diretór Kompaña Aero Dili, Lorenço de Oliveira, Embaixador Timor-Leste ba Xina, Abrão Santos no Adido Komersiu Industria Timor-Leste ba Xina, Benjamin “SAIMESAK”

Reportagem : Eva Ximenes

 6,066 Tatal Lee,  1 Views Today