Díli, yokalaumedia.com (28/09/2023) – ne’e mak espresaun ne’ebe promete husi Emprezáriu, Sakib Awan, na’in ba kompañia East Timor Trading Group (ETTG), hafoin hasoru malu ho  Primeiru-Ministru (PM), Kay Rala Xanana Gusmão iha palásiu Governu kinta-feira (28/09) ne’e. “Primeiru-Ministru mos espresa katak nia sei apoiu tomak ba atividade sira ne’ebe ami hakarak hala’o iha Timor-Leste”, informa Sakib Awan, hafoin enkontru, iha Palasiu Governu, Kuinta-Feira, (28/09).

Na’in ba empreza East Timor Trading, Sakib Awan, hateten tinan 22 ona nia hela iha timor-Leste hodi kria ninia atividade Komérsiu desde tinan 2002.

“ha’u hela iha timor-Leste durante tinan 22 ona hodi loke empreza ida ho naran East Timor Trading Group hodi emprega ona timor-oan atus rua” no mos empreza ida ne’ebe kontribui ba taxas bo’ot tebes iha tinan 10 liu ba ho montante dolares milloes 55 ba receitas estadu nian”, espresa Sakib.

Sakib mos hakarak loke empregu iha Timor-Leste atu emprega timor-oan hamutuk rihun 13 atu servisu iha nia empreza.

“ha’u nia mehi ida atu hari servisu atu akumula timor-oan hamutuk 1% husi  total populasaun ne’ebe signifika katak 13 mill fatin servisu iha Timor-Leste no bainhira ha’u fila fali ba Nai Maromak no Nai Maromak sei husu saida mak ita bo’ot halo iha Timor-Leste no ha’u hakarak dehan ha’u kontribui ba Timor-Leste nia /dezenvolvimentu ha’u kria oportunidade ba Timor-oan sira”, subliña Sakib.

Emprezáriu Internasionál ne’e mos informa katak prontu kontribui ba planu dezenvolvimentu nasionál no planu governu nian, alinea atividades ne’ebe East Timor Trading halo ba kestaun rua ne’e ba planu dezenvolvimentu Nasionál no Planu Governu nian rasik.

East Timor Trading sei investe atu kria empregu mak hanesan Manufaktureira, tuir prosesamentu mos, kona ba Agrikultura nian no mos atu aumenta kapasidade ka esperensia servisu timor-oan nian atu bele partisipa no kontribui iha area sira ne’e.

“Timor-Leste iha oportunidade barak, ami hanoin importante atu bele sasan sira ne’ebe importadu husi rai liur ne’e ita bele halo iha Timor-Leste nune’e ita labele depende deit sasan sira importadu, exemplu ida agora ami iha dadaun no ami halo iha fumentu 2 iha ne’eba ami iha Bloku ida ne’ebe iha hektar 7 iha ne’eba ami sei dezenvolve area ne’e iha faze III”, tenik Sakib.

Enkuantu iha etapa primeiru sei investe dolar milaun 12, iha segundu faze sei investe ho dolar milaun 35 no terseira faze sei investe ho dolar milaun 55 hodi dezenvolve area sira ne’e husi projetu ne’ebe emprezariu sei halo iha Fumento II ne’ebe hanaran Business Industrial Joint nia durasaun tinan 5 sei to’o tina 7, iha ne’eba sei kria empregu ba timor-oan.

“ha’u hanoin iha Emprezariu hanesan Business Industrial Join ne’e sei kria empregu ba timor-oan mais ou menus hamutuk rihun ida, nia objetivu mak ami mos sei kontribui receitas ba estadu nian no ami iha komitmentu tomak kontinua atu investe iha Timor-Leste”, hakotu Sakib.

Sakib mos aprofunda katak husi kompaña refere sira sei iha komitmentu atu entrega ba Timor-Oan mak atu Jere iha futuru.

Reportagem : Eva Ximenes

 3,564 Tatal Lee,  1 Views Today