𝐕iqueque, yokalaumedia.com (27/09/2023) – Sekretáriu Estadu Peska, 𝐃𝐨𝐦𝐢𝐧𝐠𝐨𝐬 𝐝𝐚 𝐂𝐨𝐧𝐜𝐞𝐢çã𝐨 𝐝𝐨𝐬 𝐒𝐚𝐧𝐭𝐨𝐬 “𝐌𝐚𝐮-𝐜𝐚𝐫𝐨”, Kuarta ne’e, halo vizita direta bá sentru integradu agro- komérsiu Rai-tahu, ne’ebé lokaliza iha suku Uma-Uain Kraik, Postu Administrativu Viqueque Vila, Munisípiu Viqueque .

Iha Vizita ne’e, Sekretáriu Estadu, konsege identifika problema lubuk mak mosu iha fatin refere.

“𝙂𝙤𝙫𝙚𝙧𝙣𝙪 𝙛𝙞𝙣𝙖𝙣𝙨𝙞𝙖 𝙖𝙩𝙞𝙫𝙞𝙙𝙖𝙙𝙚 𝘼𝙜𝙧𝙤-𝙠𝙤𝙢é𝙧𝙨𝙞𝙪 𝙝𝙤 𝙫𝙖𝙡ó𝙧 $675.000, 𝙗𝙖 𝙋𝙖𝙠𝙤𝙩𝙚 𝙤𝙧𝙩𝙞𝙠𝙪𝙡𝙩𝙪𝙧𝙖, 𝙥𝙚𝙠𝙪á𝙧𝙞𝙖 𝙣𝙤 𝙥𝙚𝙨𝙠𝙖, 𝙢𝙖𝙞𝙗é 𝙤𝙝𝙞𝙣 𝙝𝙖’𝙪 𝙩𝙧𝙞𝙨𝙩𝙚 𝙩𝙖𝙣𝙗𝙖 𝙊𝙧𝙨𝙖𝙢𝙚𝙣𝙩𝙪 𝙗𝙤’𝙤𝙩 𝙢𝙖𝙞𝙨 𝙖𝙩𝙞𝙫𝙞𝙙𝙖𝙙𝙚 𝙖𝙜𝙤𝙧𝙖 𝙡𝙖𝙞𝙝𝙖 𝙠𝙤𝙣𝙩𝙞𝙣𝙪𝙞𝙙𝙖𝙙𝙚”. Hateten, SEP, 𝐃𝐨𝐦𝐢𝐧𝐠𝐨𝐬 𝐝𝐚 𝐂𝐨𝐧𝐜𝐞𝐢çã𝐨 𝐝𝐨𝐬 𝐒𝐚𝐧𝐭𝐨𝐬 “𝐌𝐚𝐮-𝐜𝐚𝐫𝐨”, iha Uma-Uain Kraik, kuarta-feira, (27/09). informasaun ne’e Ekipa yokalaumedia.com hetan asesu husi pajina Facebook ne’ebe Públika husi média SEP nian.

Sentru produsaun ne’e iha traballador efetivu naʼin-lima mak halo hela serbisu voluntáriu, maibé hahú Abríl 2023 sira la simu saláriu.

Antes ne’e, akumula traballadór hamutuk 200, ne’ebé kada loron ema ida hetan $5, hamutuk ho antigu alunu Arava International Center for Agricultural Training (AICAT) naʼin-25.

“𝙃𝙖’𝙪 𝙝𝙖𝙠𝙖𝙧𝙖𝙠 𝙗𝙪𝙠𝙖 𝙝𝙖𝙩𝙚𝙣𝙚 𝙥𝙧𝙤𝙗𝙡𝙚𝙢𝙖 𝙣𝙞𝙖 𝙝𝙪𝙣 𝙞𝙝𝙖 𝙣𝙚’𝙚𝙗é 𝙝𝙤𝙙𝙞 𝙗𝙚𝙡𝙚 𝙗𝙪𝙠𝙖 𝙨𝙤𝙡𝙪𝙨𝙖𝙪𝙣”, Subliña Domingos.

Vizita ne’e identifika nuu oan iha viveru laran limpadu hotu ona, loloos ne’e distribui ba komunidade hodi kuda, maibé estraga tiha de’it.

Sekretáriu Estadu, hatete kondisaun nuu oan mate iha viveiru laran ne’e la’ós kulpa traballador naʼin-lima, maibé tanba simu orientasaun ruma, maski nune’e, konsege kuda nuu 100.000 iha rai ektare hitu.

Kona-ba fatin hakiak ikan hamutuk 12 ho medida metru 11×7 kada kolam, enxe ikan oan 1.000. Iha etapa dahuluk la’o, maibé agora sai paradu totál.

Iha mós manu luhan rua, ne’ebé kada fatin prienxe manu broiller 3.500, nune’e totál iha fatin rua hamutuk 7.000, Konsege kolleta dala-tolu, maibé la hatene rezultadu ba hotu ne’ebé, to’o agora manu luhan sai mamuk nune’e.

Nune’e mós Governu antes ne’e planu sosa karau 50 no fahi 50, maibé iha ne’e karau 5 de’it, fahi laiha liu.

“𝙄𝙢𝙥𝙡𝙚𝙢𝙚𝙣𝙩𝙖𝙨𝙖𝙪𝙣 𝙖𝙜𝙧𝙤-𝙠𝙤𝙢é𝙧𝙨𝙞𝙪 𝙪𝙯𝙖 𝙤𝙧𝙖𝙨𝙖𝙢𝙚𝙣𝙩𝙪 𝙥𝙤𝙫𝙪 𝙣𝙞𝙖𝙣, 𝙛ó 𝙢𝙤𝙧𝙞𝙨 𝙗𝙖 𝙚𝙢𝙖 𝙝𝙤𝙩𝙪, 𝙩𝙖𝙣𝙗𝙖 𝙣𝙚’𝙚 𝙞𝙩𝙖 𝙩𝙚𝙣𝙠𝙚 𝙟𝙚𝙧𝙚 𝙤𝙧𝙨𝙖𝙢𝙚𝙣𝙩𝙪 𝙝𝙤 𝙙𝙞’𝙖𝙠. 𝘼𝙩𝙞𝙫𝙞𝙙𝙖𝙙𝙚 𝙣𝙚’𝙚 𝙝𝙖’𝙪 𝙝𝙖𝙧𝙚𝙚 𝙝𝙖𝙣𝙚𝙨𝙖𝙣 𝙢𝙖𝙡 𝙖𝙙𝙢𝙞𝙣𝙞𝙨𝙩𝙧𝙖𝙨𝙖𝙪𝙣, 𝙞𝙩𝙖 𝙥𝙧𝙚𝙨𝙞𝙯𝙖 𝙝𝙖𝙡𝙤 𝙞𝙣𝙫𝙚𝙨𝙩𝙞𝙜𝙖𝙨𝙖𝙪𝙣”. Informa Domingos.

Iha biban ne’e, Sekretáriu Estadu agradese ba antigu alunu AICAT, ne’ebé durante ne’e tau-matan ba atividade iha Ra-tahu, tanba durante ne’e maski laiha transparansia, maibé balun serbisu ho fuan.

Tan ne’e, ba oin Governu sei kontinua fó prioridade, maibé sei tetu finansiamentu.

Sekretáriu Estadu, informa husi vizita ida-ne’e, bainhira fila, sei hasai despaixu hodi prepara relatóriu hato’o ba Ministru hodi haree atividade sira iha Rai-tahu ne’e.

Sentru integradu Rai-tahu estabelese iha loron 05 Outubru 2021, iha rai ektare 145, hodi hala’o atividade hanesan re-florestasaun, indústria ki’ik, pekuária, peska, ortikultura plantasaun.

Reportagem : Eva Ximenes.

 1,144 Tatal Lee,  1 Views Today