Franscisco Monteiro husu DG foun atu servisu maka’as liu tan

Díli, yokalaumedia.com (19/10/2023) – Ministru Petróleu no Rekursu Mineral, Franscisco Monteiro fo pose ba Frederico dos Santos Maia nu’udar Diretor Geral ba mandatu tinan ha’at nia laran, konta husi tinan ne’e.

Ministru Petrolium no Rekursu Mineral, Francisco Monteiro, hateten kargu Diretor Jeral ne’e hanesan pontu sentral ida ba koordenasaun iha ministeriu hodi kontribui ba dezenvolvimentu ekonomiku nasional tanba ne’e husu ba emposadu atu servisu maka’as.

 “ha’u husu ba ita hotu atu hakas-an servisu ba misaun ida ne’e, tanba ita nia nasaun sei presisa hela ita no dezenvolvimentu ekonomiku sei depende hela ba setor petrolium no minerais ne’e”, profunda Francisco.

Emposadu, Frederico dos Santos Maia kompromete atu servisu maka’as no koopera ho Ministru no funsionáriu hotu.

“ohin simu kna’ar foun hanesan diretor geral ba ministeriu petrolium no rekursu minerais hodi servisu hamutuk ho kargu diresaun sira hotu hodi responsabiliza ba ministeriu ne’e”, kompromete Frederico.

Frederico mos sei fo prioridade atu apoia membru governu hodi implementa no atu dezenvolve projetu ba tasi mane nian durante nia mandatu.

Reportagem : Eva Ximenes

 2,156 Tatal Lee,  1 Views Today