Díli, yokalaumedia.com (05/02/2024) – Sekretariu Estadu Formasaun Professional no Empregu (SEFOPE) Asina Nota Entendementu ho United Nations Development Programme (UNDP) ba programa Youth Employment Entrepreneurship Skill (YEES).

“Ami Asina ona MoU ida ne’e ba atividade hitu ninia servisu mai duni iha diresaun Nasional atu servisu hamutuk ho UNDP hanesan diresaun Nasional Empregu Estranjerus no Diresaun Nasional Empregu”, Haktuir SEFOPE, Rozério Araújo Mendonca, iha Kaikoli, Segunda-Feira, (05/02).

Rozério esplika katak atividade ne’ebe mak sei realiza hanesan Treinamentu, Akonselamentu, Expozisaun kareira, Apoiu programa ba reintegrasaun trabalador sira ne’ebe fila husi Estranjerus hanesan iha nasaun Korea, Japaun ho Austrália.

“Oinsa mak ita atu lori hamutuk fali ita nia trabalador sira mai hamutuk fali iha departamentu reintegrasaun  oinsa atu lori fali trabalador sira ne’e atu hetan Empregu fora husi Servisu ne’ebe mak sira hetan iha rai liur”, Subliña Rozério.

Entretantu atividade ne’e hahu ona iha ohin ita asina Nota entendementu ho montante 8 ita milloens ninia durasaun hahu husi tinan 2023 – 2027 no programa seluk fali ho montante 5.3 milloens hahu husi tinan 2022-2027.

Momentu hanesan, reprezentante UNDP, Carolina Couto da Silva hato’o sira nia esperansa husi akordu ida ohin ne’e ba dala uluk hakarak atinji Objetivu husi programa ne’e rasik, hakarak atinji dezenvolvimentu sustentável ne’ebe mak ita nia Governu rasik opta.

Durante ne’e programa ne’ebe mak implementa joven kuaze atus 6.

“Durante ne’e programa ne’ebe mak ita implementa ba joven kuaze atus 6 mak benefisia ona ba programa ne’e no husi joven kuaze atus 6 ne’e konklui husi Formasaun”, Haktuir Carolina.

Reportagem :Eva Ximenes

 814 Tatal Lee,  2 Views Today