Díli, yokalaumedia.com (19/02 /2024) – Koordenadór Komisaun Zona Ekonómia Sosiál Merkadu Timor-Leste (ZEESM-TL), João Mendes Gonçalves hala’o enkontru ho Primeiru-Ministru (PM), Kay Rala Xanana Gusmão hodi relata progresu servisu no aprezenta planu servisu atu hala’o dezenvolvimentu la’o balansu iha Oé-Cusse-Abeno.

João Mendes Gonçalves informa katak, estrutura (ZEESM-TL) kontinua hamutuk ho Prezidente Autoridade Rejiaun Admistrativa Espesiál Oé-Cusse Ambeno (RAEOA), Rogério de Fátima Tiago Lobato hala’o ona ekontru ho autoridade no entidades parseiru dezenvolvimentu sira hodi deskute planu servisu ne’ebé sei envolve ema hotu- hotu ninia partisipasaun.

“wainhira ami halo tiha relatóriu Estadu Rejiaun nian mak ami bele prepara planu dezenvolvementu Oecusse Nian. Molok ne’e sei prepara enkuadramentu legál hodi estabelese entidade jurídika ida ne’ebe mak sei kaer dezenvolvementu Ekonomiku Oecusse nian hodi troka Zona Ekonómia Espesiál Merkadu Sosiál (ZEEMS),” informa dehan João ba jornalista hafoin ekontru ho PM Xanana iha Palasiu Governu, Dili.

 Eis Ministru Ekonomia ne’e hatutan, hafoin simu pose iha loron 31 Janeiru 2024, ekipa hala’o kedas enkontru rutina hodi halo planu no deskute enkuadramente legál sira.

“ha’u nia planu Primeiru mak sei halo relatóriu Estadu Rejiaun nian hodi hare situasaun atuál saida mak halo tiha ona hodi nune’e planu saida mak presisa halo tan futuru dezenvolvementu RAEOA nian,” tenik nia.

Bainhira prepara tiha planu no enkuadramentu, ho tán prozesaun orsamentál hodi lori mai Primeiru-Ministru hodi aprezenta ba Konsellu Ministru.

Dadaun Koordenadór ho Autoridade RAEOA lideradu Prezidente Autoridade, Rogério Lobato hala’o ona reuniaun ho Lideransa Komunitáriu sira, setór privadu no Organizaun La’ós Governu balun iha Oé-cusse, alende ne’e ho parseiru dezenvolvimentu hodi serbisu hamutuk.

“hakarak harí sistema ida servisu hamutuk parseiru dezenvolvementu ne’ebe Autoridade mak iha podér foti desizaun no kontrolu ba apoiu sira ne’ebe sira fo. Ne’ebe sei kria unidade kordenasaun ida hamutuk nune’e kada fulan tolu Reuniaun hodi haree progresu servisu no kria matriz ida hodi bele kontrola di’ak liu tan apoia sira husi parseiru dezenvolvementu hodi evita duplikasaun servisu kona ba pozisaun pronetu,” nia informa.

Entretantu, ekipa ZEESM-TL sei halo hela preparasaun hodi halo rekrutamentu tanba servisu espesífiku hodi prepara planu dezenvolvimentu, enkuadramentu servisu no projesaun orsamentu presiza barak liu mak tékniku profesionál, péritu iha área setoriál hanesan pekuária, infraestrutura, sosiál, edukasaun, saúde nomós área temátika hanesan rekursu umanu ne’ebé sei rekruta iha tempu besik.

Kona-ba orsamentu sei depende ba orsamentu RAEOA nian, ne’e duni RAEOA sei fó apoia Administrativu no lojístika.

 Kona-ba resposta hosi PM Xanana nian, João informa katak, xefe governu kontinua suporta servisu no hein katak, iha tempu besik ekipa bele aprezenta programa ba Konsellu-Ministru hodi haree.

Reportagem : Eva Ximenes

 545 Tatal Lee,  2 Views Today