Traballdór Timorense komemora loron 1 Maiu ho manifestasaun

Díli, yokalaumedia.com (01/05/2024) Trabálldór Timor-Leste komemora loron 1 de Maiu, ne’ebe konsagra internasionamente hanesan loron traballador sira nian, ho manifestasaun hodi esize governu atu hasae salariu ba trabálldór   Rai laran husi $ 115 ba $ 160.

Presidente konstrusaun Timor, Roberto Gusmão esplika katak asaun ne’e hanesan asaun primeira ne’ebe trabalhador sira halo hodi selebra loron 1 de Maiu nu’udar loron istoriku trabálldór nian importante mai trabálldór Timor-Leste halo. Aleinde ne’e esklarese liu tan katak manifestasaun refere atu Esize ba governu atu hasae salariu minimu ba trabálladór sira iha Timor laran tomak, tanba tinan12.

“Ami trabálldór nia esijensia tenke hasae salariu trabálldór husi $. 115 ba $. 150, tanba ne’e maka ohin asaun manifestasaun ida ne’e ami halo hodi komemora loron 1 Maiu nu’udar loron trabálldór nian”, hateten Presidente konstrusaun Timor, Roberto Gusmão, ba jornalista sira iha fatin demostrasaun palásiu governu oin,01/05/24 ne’e.

Nia hatutan Salariu minimu ne’e la’ós foin maka hakilar maibé kada tinan   Trabálldór sira kontinua tanba tinan 12 ona salariu mak trabálldór sira kontinua simu nafatin salariu mensal dólar $ 115.

“Ami hakilar tanba hakarak salariu traballdór ne’e hasa’e ba $ 150, kada tinan 2 sempre halo revizaun, maibé governu nunka atu halo revizaun, Tanba ne’e mak ami husu Governu atu hasae salariu la’ós para ho ida-ne’e de’it maibé se bele aumenta liu tan tanba folin nesesidade iha baze kontinua aumenta, tanba folin nesesidade iha baze kontinua aumenta”, afirma Roberto.

Traballador sira sei kontinua manifesta, bainhira governu la hasae salariu trabálldór.

“Ami nia asaun nafatin kontinua, kuandu governu mantein pozisaun ami mós mantein pozisaun hodi halo manifestasaun tanba nasaun ida ne’e ema hotu iha direitu Esize governu tanba governu nu’udar orgaun importante hodi rezove povu nia problema tanba papel trabálldór importante ba dezenvolvimentu nasaun nian”, reforsa Roberto Gusmão.

Iha fatin hanesan, traballdóra domestika, Olga, kestiona katak nia servisu hanesan traballadora domestika (Asisten Rumah Tangga), nunka goza loron ferias no simu salariu tarde tanba ne’e nia parte husu governu atu kria lei hodi proteje trabálldór domestika no hasae Salariu.

“Ami serbisu iha laran nunka feriadu no Salariu minimu liu, nune’e ami husu ba governu foun, atu kria lei ba trabálldór domestika, tanba laiha lei ida ba ami trabálldór domestika, ida ne’e ami sente ladiak tanba serbisu makas liu tanba ami tama serbisu sedu no sai tarde ami nia Salariu ne’e la monu ba ami nia laran”, konfesa Olga

Entretantu, manifestasaun ne’e organiza husi KSTL, no hetan seguransa masimu husi autoridade seguransa.

Jornálista : Anibal

Revizora : Eva Ximenes

 382 Tatal Lee,  1 Views Today