Dili, yokalaumedia.com-9/02/2023 – Asuntu ne’e hato’o husi Vise-Minista Solidariedade Sosiál no Inkluzaun bainhira partisipa iha enkontru liña ministerial ba asuntu sosiál sira, ne’ebe halao iha kaikoli.

Vise-MSSI, Signi Chandravati Verdial, hateten governu sei halo pagamentu ba reklamantes Subsidiu fim do ano no bolsa da mãe sira.

“dadauk nee ita atu tama ona faze pagamentu ba reklamasaun sira por volta de 8812 reklamantes mak ministeriu sei halo pagamentu iha tempu badak”, kompromete Signi Verdial.

Membru governu ne’e mos rekonhese problema gestaun orsamentu alokada ba MSSI ne’ebe la’o ladun di’ak, tanba aumento orsamentu ne’ebe hala’o iha tinan klaran.

“orsamentu iha inisiu tinan 2022 total ho 25 milloes de dollares maibe too iha tinan klaran aumenta ba 92 milloes de dollares, nune’e ita dificil atu gere maibe konsege resolve ho di’ak

Alem de ne’e, Liña ministerial nee mos sei deskute mos konaba asuntu sira hanesan melloramentu Sistema Informátika ba jestaun Finanseira, plano investimentu ba fundu rezerva iha Institutu Nasional Seguransa Sosiál, kriasaun lei ba protesaun labarik, no mos modelu atendimentu ba maluk defisiensia fízika sira iha Centro Nasional Rehabilitasaun no ikus liu deskute konaba tratamentu billete identidade ba ferik no katuas sira nune’e fasilita prosesu pagamentu ba subsidiu idozus no invalidéz nian.

Reportagem : Oscar Quintão

 

 259 Tatal Lee,  2 Views Today