Díli, yokalaumedia.com– (11/03/2023), iha loron 11 marsu 2023 ne’e hamriik tan ona media ida iha Timor-Leste ne’ebe ho lema “Promove Timor-Leste no timor oan liu husi informasaun & sai Lian ba Lian La’ek sira”. Serimonia lansamentu ne’e realiza iha sala leitura Xanana Gusmão, Lecidere. Media ne’e mak Yokalaumedia.

Diretora Yokalaumedia,  Evangelina Domingas Ximenes, iha diskursu, haktuir katak Yokalaumedia hamrik nu’udar orgaun komunikasaun sosial ho nia prinsipiu atu defende valor demokrasia, promove liberdade imprensa no liberdade espresaun ne’ebe hatur ona iha  kostituisaun RDTL artigu 400 ho 410 no yokalaumedia mos hakarak divulga informasaun ne’ebe kredível, imparsial, indepedente no analítiku.

“yokalaumedia mos defende prinsipiu demokrasia bajeia ba konstituisaun RDTL, lei komunikasaun sosial, kode étika jornalista no tuir misaun yokalaumedia nian”, hateten  Diretora.

Yokalaumedia lansa husi Presidente Konsellu Imprensa, Otélio Ote, no Sekretáriu Estadu Komunikasaun Sosial, reprezenta husi Josafat Madeira hanesan tékniku.

Presidenti Konsellu Imprensa (KI), Otelio Ote, hatudu nia laran ksolok tanba jerasaun foun sira agora hakarak hola parte iha area jornalizmu nian no mos iha vontade rasik hodi hari sira nia media, laos servi ba ema nian.

“agradese ba imi tamba iha kapasidade ne’ebe naton hodi hari rasik imi nia media no media sira ne’ebe dau-daun ne’e rejistu ona iha KI ho plataforma online hamutuk sanulu resin rua (12), imprime hamutuk hitu (7), televizaun lima (5), radiu Komunidade ualu (8) no radio privadu hamutuk lima (5). Esplika liu tan katak media iha papel importante ha’at (4) mak hanesan informa, diverte, eduka no kontrola, hodi promove valor demokrasia no hametin espiritu nasionalijmu ba dezemvolvimentu nian”, dehan Ote.

Reprezentante Sekretariu Estadu Komunikasaun sosial (SEKOMS), Josafat Madeira, hato’o votu parabens no nia sente orgullu tanba existe tan ona media online ida iha ita nia rain. Hakotu Josafat Madeira.

Serimonia lansamentu ne’e partisipa husi Prezidenti KI, SEKOMS, reprezentante husi media online, Naunil Media ho Midia Esperansa no universitáriu sira.

Reportagem: Joanito Rangel.

 304 Tatal Lee,  1 Views Today