EUA Apoiu dólar rihun 45 ba Feto emprendedora Timor-Leste

Dili-yokalaumedia.com-(22/03/2023)- Embaixada Estadus Unidus Amérika servisu hamutuk ho  kámara komesersiu industria timor-leste(CCI-TL_Sigla Portugéz) ensera atividade Academy for women entrepreneurs (AWE)  ne’ebe bele hakbi’it feto emprendedora timor-oan sira nia koñesimentu iha área negosiu no enseramentu ne’e hala’o iha fundasaun oriente iha 17/03/2023 nee.

Enkaregadu Negósiu Estadus Unidus Amérika, Tom Daley,  afirma katak empodera ekonómika ba feto sira nu’udar  pilar fundamentál ida husi sira nia servisu hodi habelar prospereridade ekonómika liu husi parseria ho Governu Timor-Leste no apoia ona osan hamutuk dólar rihun hat-nulu resin lima ($ 45.000) ba CCI-TL hodi implementa Academy for women entrepreneurs (AWE) ka akademia ba feto emprendedora sira, inklui estabele sentru ba negósiu ida ho naran business hub.

“Programa ida ne’e fo dalan ba emprendedora negósiu potensial sira hodi dezenvolve sira nia ideia no apoio malu ho espasu ne’ebé seguru ba kreximentu pesoál no ha’u hakarak kongratula no fó onra ba feto hotu-hotu ne’ebe partisipa ona iha programa regorozu ida ne’e , ita bo’ot sira sai líder atu hari’i futuru ekonómikuida ne’ebe ekitativuno justu”, haktuir Tom Daley.

Entretantu, Vise Prezidente Kamára Komérsiu no Indústria (CCI-TL_Sigla Portugéz), Herguilina Alves, hateten apoia finanseiru ne’ebe mak hetan husi Estadus Unidus Amerika ne’e atu fo treinamentu ba feto emprendedora sira.

“ami fo ba feto emprendadora sira atu bele hamosu ideia inovativu no treinamentu hodi kapasita emprendedorizmu no bele promove planu negósiu ne’ebé mak iha”, hateten Alves.

Herguilina hakle’an tan katak Feto nia poténsia negósiu durante ne’e dinámiku tebes hodi  hamosu kreatividade, ideia inovativu no vontade bo’ot ne’ebe bele obrserva husi aktividade negósiu hirak ne’ebe lidera husi feto.

“apoiu finanseiru hodi marka asisténsia final ba programa formasaun Emprendedorizmu ne’ebé hetan apoia husi Estadus Unidus Amérika hodi bele inspira feto maluk sira ne’ebé sidauk tama iha vida emprezariál”, Subliña Vice CCI-TL.

Alem de Formasaun Embaixada EUA no CCIT-TL mos realiza kompetisaun negósiu ne’ebe mak partisipa husi ema na’in 45.

Claudia Ximenes, Jestora kompanhia Milrex Rego Unipessoal Lda, sai manan-na’in ba primeiru lugar, hatudu nia laran ksolok no hateten sira manan tan experénsia foun.

“ami sente kontente no orguilhu tamba durante ne’e ami aprende matéria foun hodi aumenta tan ami nia abilidade no osan ne’ebé mak hetan hanesan bonus”, haktuir Claudia ho oin midar.

Reportazem : Eva Ximenes & Nito Rangel

 296 Tatal Lee,  1 Views Today