Díli-yokalaumedia.com (17/05/2023)  konsellu ministru  aprova projetu Rezolusaun Governu, ne’ebé aprezenta husi Ministra Negósius Estranjeirus no Kooperasaun, konaba Akordu Kooperasaun entre Governu  Timor-Leste no Governu  Kuwait ba Estabelesimentu Komité Konjuntu.

Konsellu ministru,Fidelis Leite Magalhães esplika katak Akordu ne’e ho objetivu atu dezenvolve relasaun bilaterál entre nasaun rua ne’e.

“akodu ne’e atu realiza konsulta no koordena kestaun polítika sira interesse komúm nian, atu dezenvolve  no akompaña prosesu kooperasaun iha área economia, komersiu, investinmentu, finansas no área sira seluk ne’ebé iha ligasaun, atu promove kooperasaun iha área kultura, siénsia teknolojia, informasaun, saúde no servisu sosiál, no atu fó kontinuasaun ba implementasaun akordu no programa kooperasaun sira ne’ebé halo ona entre nasaun rua-ne’e”, esplika Fidelis Magalhães.

Konsellu ministru ne’e aprova mós Dekretu Governu, ne’ebé aprezenta husi Ministru Transportes no Komunikasaun, kona-ba Rejime pezu/todan ne’ebé autoriza ba veíkulu transporte sira.

“Dekretu Governu ne’e define konjuntu pezu, prosedimentu no rejime infrasaun sira hodi kria sistema ida-ne’ebé efisiente no efikás iha kontrolu pezu veikulu transporte nian sira ne’ebé sirkula iha territóriu nasionál”, dehan Ministro Prezidénsia Konsellu Ministru.

Alende ne’e governu mos  aprova liu husi konsellu ministru, aprova projetu Dekretu Governu, ne’ebé aprezenta husi Ministru Ensinu Superiór,Siénsia no Kultura, ba alterasaun daruak Dekretu Governu n. 2/2015, loron 14 fulan-janeiru, ne’ebé aprova subsídiu akadémiku, bónus ba xefia no komplementu estraordináriu ba dosente Universidade Nasionál Timor Lorosa’e (UNTL).

“Alterasaun ida-ne’e atu armoniza konteudu husi diploma ida-ne’e ho rejime ne’ebé prevé ona, tuir lei, iha Dekretu-Lei no. 7/2012, loron 15 fulan-fevereiru hafoin ninia alterasaun datoluk, no foun liu, ne’ebé mosu bainhira Dekretu-Lei no. 62/2022 loron 31, fulan-agostu, tama iha vigór. Dekretu-Lei ikus ne e introdús ona alterasaun ruma ne’ebé relasiona ho ingresu, promosaun no progresaun iha karreira dosente universitária,liuliu ho kriasaun nivel foun sira”, Hakotu nia.

Reportagem : Joanito Rangel.

 2,712 Tatal Lee,  1 Views Today