Díli, yokalaumedia.com (19/05/2023) – Implementa PEDN: Reforsa Edukasaun, Hadia Ekonomia, Hametin Estadu, Kria Empregu ba foin sa’e, dada kadoras mai Timor no kontinua Projetu tasi mane sai programa prioridade Partidu CNRT nian bainhira fila ba ukun iha tinan lima nia laran oin mai.

Deklarasaun polítika ne’e hato’o husi Presidente CNRT, Kayrala Xanana Gusmão, iha komisiu públiku ne’ebe hala’o iha Tasitolu Díli kinta-feira (18/05/2023).

Xanana Gusmao hateten bainhira povu kuda konfiansa polítika iha eleisaun parlamentar tinan ne’e, CNRT sei hadi’ak no reforsa iha setor edukasaun espesialmente iha kualidade ensino.

“Hau hasoru ona Professor, Reitor sira no institisaun hotu hodi konaba problema kualidade de ensino ne’ebe agora dadaun ita nia nasaun ne’e infrenta, tanba ne’e kuandu ita bo’ot sira vota ba CNRT, ita sei hadia situasaun refere”, promete Kayrala Xanana Gusmão.

Tuir observasaun ekipa www.yokalaumedia.com iha Tasitolu katak militante no simpatizante sira entuziasmadu hodi partisipa iha komisiu refere, rona direta programa husi partidu nian antes ba ezerse sira nia direitu iha loron 21 maio.

Komisiu Públiku refere mak konklui ona atividade polítika partidu Congresso Nacional da Reconstrução Timorense (CNRT) nia atividade polítika iha eleisaun Parlamentar tinan 2023 ne’e.

Atividade ne’e mos partisipasaun másima husi PNTL hodi fo seguransa no observa husi orgaun Eleitoral hanesan CNE no observador Internasional.

Reportagem : Eva Ximenes

 1,194 Tatal Lee,  1 Views Today