Díli, yokalaumedia.com (21/07/2023) – Ministru Justisa (MJ), Amandio Benevides, lidera sorumutu dahuluk ho diretor geral no nasionál, kargu xefia no tékniku sira hodi informa konaba programa governu nian, relativamente, misaun ministériu nian atu nune’e sai matadalan ida ba dirijente sira.

Ministru Justisa, Amandio Benevides, hateten iha loron 120 governasaun ne’e sei prioritiza akizisaun kaderneta pasaporte ne’ebe durante ne’e sai polémika no fo  kontinuidade ba PEDN 2011- 2030 ne’ebe pertense ba setór justisa.

“Programa prioridade iha loron 120 nia laran ne’e mak foku liu ba prosesu akizisaun Kaderneta Pasaporte, no forma ekipa ida hodi halo revizaun kona ba planu estratéjia iha tinan 2011-2030, haree metas implementadas no ladauk implementa, klaru katak planu estatejia ne’ebe mak iha mai husi planu dezenvolvimentu nasionál”, esplika Amandio Benevides, iha Ministeriu Justisa, Sexta-Feira, (21/07).

Governante ne’e mos katak sorumutu refere realiza introduz programa IX governu nian ba direjente sira iha ministériu hodu nune’e bele trasa planu asaun anual nian.

“ita mai atualiza programa do Governu ne’ebe foin aprova iha loron 19 jullu ne’e atu sai hanesan bukae no mata dalan jerál ida ba dirijente hotu atu bele hanoin ba oin hodi prepara planu asaun anuál tinan 2024 no mos oinsa ba oin orsamentu ratifikativu ne’ebe prepara hela no  planu governu nian liu-liu ministériu Justisa  iha 120 diaz mai oin”, hateten Ministru Justisa,

Aleinde ne’e mos, membru governu refere deklara atu halo reforma  judisiariu.

Reportagem : Eva Ximenes

 3,326 Tatal Lee,  1 Views Today