Díli, yokalaumedia.com (28/07/2023)- ida ne’e mak espresaun ne’ebe reprezentante Organizasaun Saúde Mundiál (OMS), Arvind Mathur, hasai bainhira selebra Loron Mundiál ba Hepatitis tinan  2023 liu husi realizasaun semináriu ida ne’ebe ho tema “moris ida, aten ida” no tema ida ne ilumina importánsia husi aten ba ajenda eliminasaun ba hepatite, kooperasaun ho Ministériu Saúde.

“Loron-loron, ita-nia aten bele hala’o liu de 500 funsaun importante hodi mantein ita bele moris nafatin, tamba ne’e mak importante tebes atu fó prioridade ba ita nia aten nia saude – no hatene ita nia estatutu hepatite – mos importante”, hateten Representante OMS, Dr.Arvind Mathur. Iha Timor-Plaza, Sexta-Feira, (28/07/2023).

Reprezentante OMS hakarak relata katak diariamente ema 3.000 mak mate tanba hepatite, ne’e hatudu ema ida mate ho hepatite kada segundus tolu-nulu. Entretantu Infesaun foun ba hepatite B no C hamutuk liu rihun 8.000 kada loron, ne’e signifika akontese liu infesaun 5 kada minutu, se kontinua ho situasaun nune’e, Virus hepatite sei oho ema barak liu duke malária, tuberkuloze no HIV/SIDA em kombinasaun iha tinan 2040.

Dr. Arvind haktuir katak situasaun refere hanesan alarme ida, maske hipatite nu’udar moras ida-ne’ebé bele prevene no bele trata, embora sei iha ema millaun 350 resin mak kontinua moris ho infesaun hepatite virus krónika.

Reprezentante ne’e subliña liu tan, durante nia aprezentasaun, katak, kontestu Timor-Leste nian, foka ba variavél no apoiou programatiku hare husi moras tolu ne‘ebe bele elimina husi foku mínimu HIV to’o foku máximu ba Hepatits B no Siphilis, maibé la iha apoiu finansiamentu ba programa nasionál Virus hepatite.

Médiku ne’e mos rekoñese iha progresu teste no vasinasaun ba hepatite, kontrola hepatite B nafatin hasoru dezafiu ida tanba falta fundu dedikadu ba Programa hepatite Viral, no limitasaun ba fiskalizasaun dadus iha banku de sangue.

“Hau kontente tebes atu hatudu katak Timor-Leste muda ona ba Planu Estratéjiku Integradu ida kona-ba HI, hepatite no ISD (infesaun sexual daet ou STI) 2022-26. Aleinde ne’e, propoin mós matadalan nasionál sira kona-ba hepatite B no C atu dezenvolve ho apoiu tékniku no finanseiru OMS nian no tenke fó prioridade ba finansiamentu, haforsa fiskalizasaun, no implementa Planu Estratejiku Nasional ba HIV, Epatite no ISD 2022-2026”, sublina Arvind.

Tuir pedidu husi Ministerio de saude nian ne’ebe hodi asegura kontinuidade servisu sira durante emerjénsia COVID-19, OMS mos suporta aprovizionamentu produtu saúde esensiál sira inklui IEC materiál, vasina hepatite B no viral load kartridges, tratamentu ba hepatite B, HIV Self Testing, no aimoruk Pre-Expozisaun HIV (PrEP) ba populasaun Xave no individu sira ne’ebé iha risku aas.

“Ha’u kontente atu fó-hatene katak ohin loron, ha’u sei entrega IEC materiál HIV Self Testing no PREP nian ba Programa Nasionál HIV/SIDA, hamutuk ho programa ne’ebé foin lalais ne’e hetan ona aprovasaun ho kustu tomak kona-ba Planu Estratéjiku Nasionál integradu HIV, hepatite, no STI 2022-2026”, konta Mathur.

Iha Aprezentasaun iha Loron Mundial ba Hepatite ne’ebe hala’o iha Timor Plaza ne’e, LORI oms NIA NARAN DEKLARA organizasaun mundiál ne’e nia kompromisu atu apoia Timor-Leste hodi uza instrumentu efetivu hasoru Epatite liuliu husi teste no tratamentu, iha sorin seluk OMS suporta ona MOH hodi dezenvolve matadalan nasionál sira kona-ba Epatite B no C, no implementasaun planu operasionál ne’ebé kompreensivu ne’ebé kobre área tolu mak hanesan Prevensaun ba HBV, Diagnostika no tratamentu ba HBV, no Informasaun Estratejika kona-ba HBV.

Organizasaun Mundiál ba Saúde ne’e mos iha ambisaun ida katak to’o 2030 hakarak atu elimina virus hepatite hanesan ameasa saúde publika, signifika katak redusaun 90% iha insidénsia no redusaun 65% iha mortalidade kompara ho númeru iha 2015, liu husi haforsa kuidadu saúde primária no reforsa kuidadu espesializadu ba pasiente sira ne’ebé presiza liu.

Reportagem : Eva Ximenes

 1,681 Tatal Lee,  1 Views Today