Díli, yokalaumedia.com (03/10/2023) – Major-Jeneral Nuno Lemos Pires nu’udar oan mane ida hosi Saudozu Governador Timor-Português, Mário Lemos Pires hasoru malu Primeiru-Ministru (PM), Kay Rala Xanana Gusmão, iha palásiu Governu hodi introdúz nia an no fahe esperiénsia durante moris ho nia aman ne’ebe hala’o misaun iha Timor.

Mário Lemos Pires nu’udar antigu Governador Português iha Timór ne’ebé  assume kargu iha loron 08 Novembru 1974 too 27 Novembru 1975 no mate  iha loron 22 fulan maiu tinan 2009.

Tuir komunikadu imprensa ne’ebe públika husi Média-GPM nian katak Xefe Governu Xanana agradese hodi hanoin hikas katak, Majór-Jeneral, Nuno Lemos Pires nia aman nu’udar komandante di’ak ida ne’ebé asumu kargu  Major Jenerál Exersitu Português no Governador  ne’ebé uluk fó formasaun ba tropas Timor-oan barak.

“I𝗵𝗮 𝘁𝗶𝗻𝗮𝗻 𝟭𝟵𝟳𝟱 n𝗶𝗮n (𝗡𝘂𝗻𝗼 𝗟𝗲𝗺𝗼𝘀 𝗣𝗶𝗿𝗲𝘀) 𝘀𝗲𝗶 𝗸𝗶’𝗶𝗸, 𝗻𝗶𝗮 𝗯𝗮 𝗲𝘀𝗸𝗼𝗹𝗮 𝗻𝗶𝗮 𝗺𝗮𝗶 𝗵𝗲𝗶𝗻 𝗻𝗶𝗮 𝗮𝗺𝗮𝗻 𝗶𝗵𝗮 𝗮𝗶𝗵𝘂𝗻 𝗻𝗲’𝗲 𝗱𝘂𝗻𝗶 (𝗝𝗮𝗿𝗱𝗶𝗻 𝗣𝗮𝗹𝗮𝘀𝗶𝘂 𝗚𝗼𝘃𝗲𝗿𝗻𝘂), 𝗮𝗶 𝗺𝗮𝗵𝗼𝗻 𝘀𝗶𝗿𝗮 𝗻𝗲’𝗲  𝗻𝗶𝗮 𝗽𝗮𝘆 𝗺𝗮𝗸𝗮 𝗸𝘂𝗱𝗮, 𝘁𝗮𝗻𝗯𝗮 𝗻𝗲’𝗲 𝗻𝗶𝗮 𝗺𝗮𝗶 𝗳𝗼́ 𝗹𝗲𝗺𝗯𝗿𝗮 𝗳𝗶𝗹𝗮 𝗳𝗮𝗹𝗶 𝗵𝗼𝗱𝗶 𝗮𝗴𝗿𝗮𝗱𝗲𝘀𝗲,” dehan PM Xanana.

Xefe Governu ne’e mos koñese di’ak Saudozu Governador Mário Lemos Pires, iha tinan 1974 too 1975, hanesan jornalista sempre besik líder Timor-oan no trapas Timór no Portugûes.

Iha fatin hanesan, Majór-Jeneral, Nuno Lemos Pires agradese bele hasoru Primeiru-Ministru hodi ko’alia pasadu no futuru Timor-Leste nian ne’ebé importante tebes.

Timor-Leste no Portugál nasaun maun alin ne’ebé iha istória importante entre povu no militár no estadu Timor Portûgues.

“ha’u sente emosianante los tan hetan tais ne’ebe tara husi Primeiru-Ministru Kay Rala Xanana Gusmão, hanesan mos tara ba ha’u nia aman, bele simboliza agradesimentu ida ba ha’u”, nia agradese.

Hafoin enkontru, PM Xanana entrega hikas livru ida kona-ba “Tinan 10 Kontrusaun Estadu Timor-Leste” ba Major-Jeneral, Nuno Lemos Pires no simu mós livru ida ho titulu, Nuno Lemos Pires: “Os Resistens” ne’ebé ko’alia kona-ba funu iha Ucrania.

Reportagem : Cedelizio do Rêgo

 2,811 Tatal Lee,  1 Views Today