Díli, yokalaumedia.com (14/10/2023) – Kandidatu ba Xefe suku iha territoriu laran hahu ona submete dokumentu sira hafoin verifika, atu nune’e bele partisipa iha eleisaun suku ne’ebe sei realiza iha 28 de outobru.

Ministru Administrasaun Estatal, Tomas Cabral, hateten bainhira iha reklamasaun ruma tenki resolve kedas iha momemntu aprezentasaun to’o kalan.

“Ohin aprezentasaun kandidatura  pois iha kedas ona aseitasaun kandidatura sei iha reklamasoeñs ohin to’o kalan reklamasoeñs sira ne’e tenki rezolve par abele mosu lista uniku, lista ne’ebé favorese ba prosesu eleisoeñs de sukus iha dia 28 de outobru, aproveita oportunidade ida ne’e hodi hateten, tinan hitu (7) liu ba kotuk, iha tinan 2016 iha outobru mosu fali mai ohin 13 de outobru aprezentasaun kandidatura iha meza asembleia aldeia no asembleia do sukus, ita hare’e potensialidade iha kraik husi 2016 ho 2023 volume ema atu aprezenta an iha kandidatura bo’ot teb-tebes, signifika komunidade preparadu sira nia-an ona hodi partisipa iha lideransa komunitariu ida ne’e”, hateten, Ministro da Administração Estatal, Tomás Do Rosário Cabral iha Colmera Díli.

Ministro ne’e hateten tan katak ministeriu delega ona funsionariu no kargu xefia sira atu apoia asembleia suku atu nune’e bele fo susesu ba festa demokrasia refere.

 “Prosesu ne’e tinan hitu (7) liu tiha maka ita foin hahu fali, atu evita de’it ru-moris sira ne’ebé durante ne’e dehan, prosesu kandidaturas sira ne’e la’o ladun di’ak hare’e ba Ministeriu hatun funsionariu no Diretores sira tun hotu ba kraik atu ajuda asembleia Aldeia no Asembleia sukus iha formasaun ba material rua, material de aprezentasaun kandidatura no segundu material da verifikasaun prosesu kandidatura, iha verifikasaun material ne’e maka iha balun maka la priense rekezitus balun, sir abele fila no nia iha tenpu hodi hadia dokumentus sira, tanba ne’e maka ohin dia 13 ne’e iha reklamasaun ruma, asembleia suku tenki iha kapasidade hodi resolve molok ba iha data eleisaun. Tanba tekniku sira iha kraik hetan kedas sosializasaun hahu husi agustu pois iha fim de setembru ho inisiu de outobru tenpu ba formasaun liu-liu asembleia rua ne’ebé ohin ha’u temi, tanba ne’e mak prosesu sira ne’e sei la’o ho di’ak”, Hateten Cabral.

Governante ne’e esklarese liu tan katak dekretu lei ne’ebe prodúz husi IX governu fó biban ba Xefe Suku no Xefe Aldeia sira atu kontrola realizasaun Eleisaun lokal ne’e ho di’ak.

Cabral mos afirma liu tan katak Xefe suku sira sei hetan subsidiu hodi fasilita di’ak liu tan servisu autoriedade sira nian.

“Xefe suku sira ita fo subsidiu la’os salariu, sira nia subsidiu 250 dolares por mes, Xefe aldeia sira no membru konsellu suku sira, sefe suku sira fulan-fulan sei iha tan reuniaun sira hetan 25 ka 30 dolar ba marka prezensa sira nia orsamentu sekretaria funsionamentu ne’e ketak. Tanba Xefe suku nia serbisu ne’e bo’ot ho IX governu ne’e lidera hamosu fali dekretu lei ida kria sekretariadu suku nian, ne’e ema nain ha’at iha ne’ebá, sekretariu administrasaun sukus, servisu administrasaun, servisus finansas no servisus sosiais nune’e Xefe suku no sefe Aldeia sira iha liu kbi’it atu kontrola ho di’ak”, klarifika Nia.

Ministru ne’e mos hameno tan katak, servisu sira Sefe suku sira antes, la hanesan ho ida agora no ba oin, tanba fazeadamente Kamara Munisipiu ne’e moris ita-bo’ot sira assume papel ida ativu no deside hamutuk iha reuniaun munisipal nian.

Reportagem: Cedelizio do Rêgo

 1,907 Tatal Lee,  2 Views Today