Lautém-Maina I, yokalaumedia.com (11/11/2023) – Veteranu Suku Maina I, Postu Administrativu Lautém, Munisipiu Lautém, pronto serbisu hamutuk nafatin ho kandidatu Xefe Suku ne’ebé de’it mak hakat husi segunda volta iha loron 13 fulan novembru tinan 2023 ne’e, iha Dauluturo lautém Timor-Leste.

Kordenador Veteranu Suku Maina I, Carlos Virdes ho kodigu “Maekarlele”, afirma katak, ba segunda volta ne’e, ema nain rua de’it maka konkore nune’e Sese de’it maka avansa ita pronto kolabora.

“Ha’u hanoin eleisaun suku ne’e inportante tanba, ita bele fihir ema ida ne’ebé fuan bo’ot no kapasidade di’ak hodi lidera suku ida. Tanba ne’e maka Suku Maina Primeiru foin dadaun eleitu hamutuk nain lima, nain tolu hela nain rua ba faze segunda volta, nu’udár veteranu la hare’e ba ida ne’e ka ida ne’ebá, hodi sadere, maibé entre nain rua ne’e atu ida ne’ebé mak ba tu’ur mos, ita kolabora nafatin hodi hadia no dezenvolve Suku ne’e”, Afirma Maekarlele.

Veteranu ne’e informa tan katak, papel sira nian seidauk konklui, wainhira ita ko’alia kona ba dezenvolvimentu ne’e rasik, liu-liu iha baze hanesan suku no aldeia.

“Dalabarak ita hanoin dehan, serbisu ne’e ida-idak hala’o ninian, ne’ebé ita la presiza malu, la’os hanesan ne’e, tanba relasiona ho dezenvolvimentu iha suku ka aldeia ida, ita hotu-hotu iha moral no domin hodi bok-an tantu Sefe Suku, Sefe Aldeia, Delegadu/a liu-liu veteran sira, tanba ne’e mak inisiu ha’u ko’alia katak ida-idak iha nia kna’ar maibé ita presiza malu”, hateten Carlos.

Kordenador ne’e mos sei propoiñ hela kandidatu foun ne’ebé mak atu mai, hodi hamtein lasu amizade liu husi atividade jogu desportivu sira.

“Ita iha planu, maske ita hatene ita nia Suku ne’e problema ladun iha, bele loron bo’ot hanesan natal no tinan foun sira, balun dehan problema laiha tanba hare’e area geografika aldeia dodok malu, maibé ho buat sira ne’e hotu, ita hakarak maka dame no paz, entaun antes ne’e mos ami mos tu’ur hamutuk ona hodi hanoin katak, wainhira ita hatene feitu on aba se mak ita kandidatu, ida prioridade ita propin ida maka hametin lasu amizade liu-husi jogu desportiva no aktividade seluk ne’ebé ita hotu iha kbi’it”, Propoin Kordenador.

Carlos Virdes mos sujere ba parte relavante sira, hodi kria kondisaun sira ne’ebé bele a favor ba sosiedade ida hakmatek no kalma liu-liu joven sira.

“Buat hotu, ita du’un ba de’it kra’ik mak halo ne’e bele los, bele mos sala, tanba kadavez ita iha programa rasik mas finansial la suporta ida ne’e mos problema bo’ot, tanba ne’e maka ha’u sujere ba parte relevante sira iha leten bele kria kondisaun sira ne’ebé a favor ba komunidade liu-liu ami nia joven sira, la’os de’it suku Maina Primeiru ba Teritoriu tomak”, Sugere Carlos.

Reportagem: Cedelizio do Rêgo

 6,704 Tatal Lee,  1 Views Today