Díli, yokalaumedia.com (28/11/2023)- sentru ba Haburas Movimentu Diretus Umanus realiza konferensia imprensa hodi komemora loron proklamasaun independénsia unilaterál 28 Novembru 1975 ba dala 48, iha Farol.

Portavós Sentru ba Haburas Movimentu Diretus Umanus, Imaculada Gouveia Leite, esplika Katak Sentru ba Haburas Movimentu Diretus Umanus nu’udar klibur ba alumi estudante universitariu husi Munisipiu sanulu resin tolu (13) ne’ebé halibur an, nu’udar estudante ativista ba diretus umanus no justisa social iha Ajar Timor-Leste.

“Artigo 67 Konstituisaun da Republika Demokratika Timor – Leste K-RDTL ne’ebé prevé Parlamentu Nasionál nu’udar orgaun soberania daruak ho nia papel importante hodi produz Legislasaun no Fiskalizasaun maibe infelizmente haree Deputadu iha Parlamentu Nasional durante ne’e produsaun legislasaun somente benefisiu ba sira niia-an no grupu no lahatudu sira nia kualidade hanesan reprezenta povu. Nune’e ami konsidera ho Desizaun hodi aprova projeitu lei No 4/VI (10 alterasaun) ba lei No 5/2004, 5 Maiu, ne’ebé Estabelese Estatutu Deputadu sira hodi atribui subsidiu ba saude no subsidiu ba tranporte ba deputadula sira. Ho votos afavor lima nulu (50) kontra ida no abtensaun Neen (6). Subsidiu transporte ho montante $1.600 no Subsidiu Saude ho Montante $ 600.00 ba Deputadu sira kada fulan. Desizaun ida ne’e ami husi Sentru ba Haburas Movimentu Diretus Umanus lamentavel tebes tanba, subsidiu ne’e laiha benefisu ba intesere publiku maibe, benefisu deit ba deputadu nain 65 iha ParlamentuNasional. Tuir previzaun katak Timor-Leste nia fundu petrolifero sei hotu iha 2023 seraque ida ne’e mak akontese Timor-Leste infrenta krize finanseriu nune’e ami hakarak reafirma ami nia posizaun hakarak Husu ba nai Presidente da Repüblika atu veta orsamentu subsidiu ba trasporte no Saude. Tanba tuir Sentru ba Haburas Movimentu Diretus Umanus nia hare subsidiu refere la fo benefisiu ba, aibe. habokur deit nai Deputadu/a sira iha Parlamentu Nasional. Tamba tuir Sentru ba Haburas Movimentu Diretus Umanus nia hare subsidiu refere la fo benefisiu ba interese komum maibe habokur de’it nai Deputadu/a sira iha Parlamentu Nasionál.  Ami prefere orsamentu subsidiu bele aloka ba iha setor importante sira hanesan edukasaun,Saúde, Bee Moos no agrikultura hodi halo meloramentu atu nune’e bele garante ba sustentabilidade”, esplika Imaculada.

Portavós ne’e mos husu ba movimentu sosiál no universidade sira presiza hamutuk hodi unifika forsa atu Luta kontra injustisa sosiál ne’ebé akontese

” Ami enkoraja mos movimentu sosial sira hotu presiza unifika forsa atu kontra injustisa sosiál ne’ebė pratika husi Deputadu sira iha parlamentu Nasional. Ami mos enkoraja Universidade sira hotu ne’ebé iha Timor Leste tenke iha sensivel ba inijutisa sosial ne’ebé sai buras iha Timor-Leste”, Husu nia.

Iha fatin hanesan José Lorico mos afirma katak Parlamentu Nasional tenki produz lei sira ne’ebe di’ak ba povu.

” ita tenki komprende saida mak estadu? Tamba ita hatene katak Estadu ne’e hanesan Organizasaun ida hamriik hodi atende nesesidade komun, iha konstituisaun artigu 1. mos ko’alia estadu ida ne’e hamrik husi povu hotu nia hakarak. Pergunta lei ne’ebé sira aprova ne’e povu hakarak duni ka la’e? Tuir Ha’u hatene Katak  sira ne’ebé reprezenta nta povu tur iha Parlamentu Nasionál ne’e  La’os reprezenta povu maibe reprezenta sira nia aan, reprezenta sira nia partidu no representa sira nia famila hodi habokur sira nia aan”, afirma Lorico.

Reportagem: Joanito Rangel

 1,361 Tatal Lee,  1 Views Today