Díli, yokalaumedia.com (28/02/2024) – Centro Nacional Chega, Instituto Públiku (CNC, I.P-Sigla Portugues), asina Nota Entendementu ho Asosiasaun Vitima Konflitu Politika 1974-1999 (AVKP), ne’ebé realiza iha Salaun Gabinete Apoiu Orgaun Centro Chega (GAO-CC), Antigo Comarca Balide-Dili.

Diretór Ezekutivu CNC, Hugo Fernandes haktuir objetivu prinsipal husi asina Nota Entendementu ne’e mak atu fó apoiu fundu ba Asosiasaun Vitima Konflitu Politíka (AVKP) 1974-1999 atu hala’o sira nia atividade ka programa durante tinan 2024.

Apoiu ne’ebé Centro Nacional Chega fó ba Asosiasaun Vitima Konflitu Politíka (AVKP) 1974-1999 ho orsamentu hamutuk $ 29,208.00 (Dollar Amerikanu Rihun rua nulu resin sia, atus rua ualu).

Centro Chega apoiu fundu ba Asosiasaun Vitima Konflitu Politíka (AVKP) 1974-1999 durante tinan ida (1) validu hahú husi data asina Nota Entendementu no remata iha loron 31 fulan Dezembru 2024.

Enkuantu, apoiu ne’ebé Centro Nacinal Chega fo ba Assosiasaun Vitima 1974-1999 atu responde ba misaun  Centro Chega ninian ne’ebe mak promove implementasaun rekomendasoens CAVR relasiona ho institusionalizasaun memoria no promosaun direitus umanus atraves edukasaun, formasaun, Pesquiza no solidariedade ba sobreviventes vulneravel liu hosi violasaun direitus umanus; nomos promove rekomendasoens komuns CAVR no CVA konaba konstrusaun sentru nasional memoria, pesquiza no aprendizajen.

Reportagem :Eva Ximenes

 1,145 Tatal Lee,  1 Views Today