Díli, yokalaumedia.com (11/03 /2024) – Ministériu Negósiu Estrangeiru Estadus Unidos Amerika (EUA) nia Adjunta Asistente Sekretária Melissa A. Brown hala’o vizita ofisiál mai Timor-Leste hodi introdus ba Primeiru-Ministru, Kay Rala Gusmão kona-ba apoiu ne’e sira sei kontinua oferese ba Timor-Leste hodi hametin relasaun diplomátiku no selebra susesu.

PM Xanana hato’o agradese ba apoia EUA nian hodi ajuda povu no nasaun Timor-Leste iha prosesu kontrusaun estadu Timor-Leste.

“Agradese ba apoia hotu ne’ebe EUA oferese povu Timor-Leste, rai rua sei kontinua nafatin servisu hamutuk,” dehan PM Xanana.

Adjunta Asistente Sekretária Melissa A. Brown. mak lidera Gabinete Asuntu Sudeste Aziátiku no Gabinete Asuntu Maritima Sudeste Aziátiaku, hala’o vizita loron tolu mai Timor-Leste.

Durante ninia vizita, DAS Brown sei hala’o no involve iha sorumutu nivel-altu ho ofisiáis prinsipál sira iha governu.

“Ohin, nia hasoru Primeiru Ministru Xanana Gusmão, Prezidente Ramos-Horta, Ministru Negósiu Estranjeiru no Kooperasaun Bendito Freitas, no Vise Ministra ba Asuntu ASEAN Milena Rangel. DAS Brown hato’o kongratula lori Estadus Unidus Amérika nia naran ba Timor-Leste ba susesu adezaun ba Organizasaun Mundiál ba Komérsiu foin dadauk ne’e,” informa  Adjunta Asistente Sekretária Melissa A. Brown ba jornalista hafoin hasoru PM Xanana iha Palasiu Governu, Dili.

Durante reuniaun ho PM Xanana, , DAS Brown enfatiza kona-ba EUA kontinuasaun ba apoia Timor-Leste ba adezaun ASEAN, hametin liután relasaun bilaterál, no esplora dalan foun ba kolaborasaun.

Impresaun vizita ida mak bainhira DAS Brown hasoru Primeiru Ministru Xanana Gusmão. Líder na’in rua ne’e hala’o diskusaun ne’ebe produtivu, troka perspetiva kona-ba Timor-Leste ninia prioridade ba dezenvolvimentu. Reuniaun ne’e enfatiza Governu EUA nia kompromisu hodi apoia Timor-Leste ninia inisiativa dezenvolvimentu sira ho dalan adezaun ba ASEAN.

Durante reuniaun ho Prezidente Ramos-Horta, nia espresa gratidaun no rekoñese EUA nia kontribuisaun, sita kona-ba apoia ba Timor-Leste nia adezaun ba ASEAN, Millaun $484 ba Millennium Challenge Corporation compact, no hametin relasaun seguransa entre nasaun rua ne’e.

Reportagem : Eva Ximenes

 666 Tatal Lee,  1 Views Today