Díli-yokalaumedia.com,(12/05/2023/) Sekretariadu Teknika Administrasaun Eleitoral fahe ona material Sensitivu no Non-Sensitivu sira ba Munisipiu nune’e bele hala’o eleisaun Parlamentar iha loron 21 Maiu tinan ne’e iha territóriu tomak.

Diretor geral STAE, Acilino Manuel Branco, iha serimonia distribusaun material  eleisaun nian ne’ebe realiza iha sede STAE Kaikoli Díli ne’e, esplika katak ohin loron ikus ba preparasaun lojistika  eleisaun parlamentar 2023 nian.

“parte lojistika preparadu dezde semana hirak ba kotuk no ohin loron ikus hodi halo distribusaun materiál ho kategoria sensitivu no não sensitivu ba Munisipiu, RAEOA no Diáspora, boletim votu mak material ida ne’ebe sensitivu liu, hamutuk milaun ida rihun Lima   hatnulu (1.500.40) ba numeru eleitór hamutuk 890.145 aumenta tan 10%, kada livro ida kontém boletim de votu 50. No ohin hahu transporta na ba Munisipiu sira inklui Raeoa no Diáspora hahu aban no bairua”, esplika Acilino Branco.

DG STAE ne’e mos afirma liu tan katak material hirak ne’e, provizoriamente, sei rai iha Munisipiu sira durante semana ida hodi verifika hikas.

“material hirak ne’e sei rai iha Munisipiu sira durante semana ida ho halo verifikasaun  karik durante transporta ba ne’e mak hetan estraga karik sei iha tempu atu substitui fila fali”, afirma Branco.

Hatutan liu tan katak material eleisaun parlamentar ne’e sei distribui ba sentru votasaun sira iha loron 20 fulan-maiu tinan ne’e.

Tuir observasaun ekipa www.yokalaumedia.com iha Sekretariadu Teknika Administrasaun Eleitoral Kaikoli katak serimónia distribuisaun refere partisipa husi STAE, Presidente Komisaun Nasionál Eleisaun, Ministru Administrasaun Estatal, komandante polícia Munisipiu sira, no líder partidu polítiku balun.

Reportagem : Joanito Rangel

 2,133 Tatal Lee,  1 Views Today