Xanana esklarese disputa fronteira terrestre NAKTUKA ba Públiku

Díli, yokalaumedia.com (16/02 /2024) – Primeiru-Ministru (PM) , Kay Rala Xanana Gusmão hamutuk ho ekipa Gabinete Fronteira Maritima no Terrestre hala’o esklaresimentu ba kona-ba disputa fronteira terrestre, Bizaela Sunan Obe no Noel Besi Citrana Naktuka- Regiaun Administrativa Espesiál Oé-Cusse Ambeno (RAEOA) ba Konsellu Solidaridade Universitariu Juventude Estudante Timor Lorosa’e (KSUJETL) no estudante universitáriu sira inklui sosiedade sivil, veteranus sira, iha salaun Laline Larigutu, Díli.

Semináriu ne’e organiza hosi KSUJETL ho tema, “Hametin Esperitu Nasionalismu Iha Kontestu Konflitu Delimitasaun Fronteira Entre Timor-Leste No Indonézia” hetan partisipasaun masimu hosi entidades sira atu kumpriende kona-ba fronteira TL-RI atu rezolve la’òs buat fasil ida, maibé lori tempu atu hetan konsesu ne’ebé povu fronteira Oé-Cusse maka tenki deside.

Hafoin Timor-Leste manan soberania fronteira tasi permanente hasoru Austrália liu hosi prosesu konsiliasaun primeiraves iha mundu, hahú  kedas 2009 too 2017 ekipa koordena kedas ho ekipa RI nian hodi halo servisu konjunta halo indentifikasaun iha fronteira, Covalima, Memo-Maliana no Oé-Cusse too agora.

Atu rezolve segmentu naun rezolvidu rua hanesan Bizaela Sunan Obe no Noel Besi Citrana Naktuka, nu’udar xefe governu halo kontaktu direita ho povu iha fronteira hodi rona mós sira nia opiniaun no halo rituál bazeia ba perspetiva legal, antropolójika, sosial, kultural no vida uma populasaun sira iha parte fronteira ne’ebé tinan barak moris nu’udar familia Atoni.

PM Xanana Gusmão hateten presiza entidade hotu  nia kompriensaun katak bainhira delimita fronteira terrestre tenke konsidera buat hotu-hotu, no kuandu temi fronteira terrestre labele temi de’it metru ida ka rua, maibé tenke haree mós ba aspetu sosial, kulturál antropolójiku no mós buat sira seluk ne’ebé iha.

“𝐁𝐚𝐢𝐧𝐡𝐢𝐫𝐚 𝐢𝐭𝐚 𝐦𝐚𝐧𝐚𝐧 𝐭𝐢𝐡𝐚 𝐬𝐨𝐛𝐞𝐫𝐚𝐧𝐢 𝐭𝐚𝐬𝐢 𝐩𝐞𝐫𝐧𝐚𝐧𝐞𝐧𝐭𝐞 𝐡𝐚𝐬𝐨𝐫𝐮  𝐀𝐮𝐬𝐭𝐫𝐚́𝐥𝐢𝐚, 𝐡𝐚’𝐮 𝐛𝐚 𝐤𝐞𝐝𝐚𝐬 𝐎𝐞́-𝐂𝐮𝐬𝐬𝐞 𝐭𝐨𝐨 𝐟𝐫𝐨𝐧𝐭𝐞𝐢𝐫𝐚 𝐥𝐚’𝐨 𝐡𝐚𝐥𝐞𝐮 𝐡𝐨𝐝𝐢 𝐡𝐚𝐫𝐞𝐞 𝐢𝐡𝐚 𝐦𝐨𝐭𝐚 𝐧𝐨 𝐢𝐭𝐚 𝐧𝐢𝐚 𝐩𝐨𝐩𝐮𝐥𝐚𝐬𝐚𝐮𝐧 𝐬𝐢𝐫𝐚 𝐧𝐢𝐚 𝐭𝐨𝐨𝐬, 𝐧𝐨 𝐧𝐚𝐭𝐚́𝐫 𝐧𝐨 𝐛𝐚 𝐭𝐨𝐨 𝐓𝐍𝐈 𝐧𝐢𝐚 𝐩𝐨𝐬𝐭𝐮 𝐡𝐚𝐫𝐞𝐞, 𝐧𝐨 𝐥𝐚’𝐨̀𝐬 𝐨𝐡𝐢𝐧 𝐦𝐚𝐤 𝐢𝐭𝐚 𝐝𝐞𝐟𝐞𝐧𝐝𝐞 𝐢𝐭𝐚 𝐧𝐢𝐚 𝐟𝐫𝐨𝐧𝐭𝐞𝐢𝐫𝐚, 𝐦𝐚𝐢𝐛𝐞́ 𝐛𝐮𝐚𝐭 𝐧𝐞’𝐞 𝐦𝐚𝐢 𝐥𝐨𝐫𝐢 𝐤𝐞𝐝𝐚𝐬 𝐢𝐡𝐚 𝐭𝐞𝐦𝐩𝐮 𝐟𝐮𝐧𝐮 𝐭𝐨𝐨 𝐚𝐠𝐨𝐫𝐚, 𝐭𝐚𝐧𝐛𝐚 𝐢𝐭𝐚 𝐤𝐨’𝐚𝐥𝐢𝐚 𝐤𝐨𝐧𝐚-𝐛𝐚 𝐮𝐤𝐮𝐧 𝐚𝐚𝐧, 𝐥𝐚’𝐨̀𝐬 𝐢𝐡𝐚 𝐝𝐞’𝐢𝐭, 𝐩𝐫𝐞𝐳𝐢𝐝𝐞𝐧𝐭𝐞, 𝐩𝐚𝐫𝐥𝐚𝐦𝐞𝐧𝐭𝐮 𝐧𝐨 𝐛𝐚𝐧𝐝𝐞𝐢𝐫𝐚 𝐢𝐝𝐚, 𝐦𝐚𝐢𝐛𝐞́ 𝐭𝐞𝐧𝐤𝐢 𝐦𝐚𝐧𝐚𝐧 𝐦𝐨̀𝐬 𝐬𝐨𝐛𝐞𝐫𝐚𝐧𝐢𝐚 𝐭𝐞𝐫𝐢𝐭𝐨́𝐫𝐢𝐚 𝐭𝐚𝐬𝐢 𝐧𝐨 𝐫𝐚𝐢 𝐤𝐨𝐦𝐩𝐥𝐞𝐢𝐭𝐮,”  dehan PM Xanana.

Xefe Governu mós kontinua halo esplikasaun kona-bá servisu no esforsu Gabinete Fronteira Terrestre no Marítima Timor-Leste ho Embaixador Roberto Soares hodi halo negosiasaun fronteira terrestre ho Repúblika Indonézia.

Prosesu sira ne’ebé ekipa tékniku sira halo iha terrenu sempre halo kontaktu ho autoridade kompetente sira iha RAEOA, Autoridade Lokál, lia-na’in no populasaun sira ne’ebé hela iha área fronteira liu-liu iha Bizaela Sunan Obe no ida mak Noel Besi Citrana Naktuka.

Xefe Governu husu ba estudantes ba estudante universitariu sira atu estuda makas hodi too tempu ruma, sira kaer ukun bele defende soberani tais no rai Timo-Leste tuir nia domin no matenek hadomin rai no povu.

Iha fatin hanesan, Prezidente Konsellu Solidaridade Universitariu Juventude Estudante Timor Lorosa’e (KSUJETL), José da Costa Magno informa sira organiza semináriu ne’e ho objetivu atu hetan esklaresimentu ida klaru hosi Xefe Governu Xanana. Tanba  fronteira terrestre la’ós asuntu pesoál ka partidu polítika ida nian, maibé ne’e asuntu interese nasionál ba soberania  Timor-Leste.

“𝐇𝐨 𝐞𝐬𝐩𝐥𝐢𝐤𝐚𝐬𝐚𝐮𝐧 𝐗𝐞𝐟𝐞 𝐆𝐨𝐯𝐞𝐫𝐧𝐮 𝐧𝐢𝐚𝐧 𝐚𝐭𝐮 𝐚𝐦𝐢 𝐡𝐨𝐭𝐮 𝐢𝐡𝐚 𝐤𝐨𝐧̃𝐞𝐬𝐢𝐦𝐞𝐧𝐭𝐮 𝐤𝐥𝐞𝐚𝐧  𝐡𝐨𝐝𝐢 𝐡𝐚𝐦𝐨𝐫𝐢𝐬 𝐧𝐨 𝐡𝐚𝐦𝐞𝐭𝐢𝐧 𝐟𝐚𝐥𝐢 𝐞𝐬𝐩𝐞𝐫𝐢𝐭𝐮 𝐧𝐚𝐬𝐢𝐨𝐧𝐚𝐥𝐢𝐳𝐦𝐮 𝐣𝐮𝐯𝐞𝐧𝐭𝐮𝐝𝐞 𝐧𝐨 𝐞𝐬𝐭𝐮𝐝𝐚𝐧𝐭𝐞 𝐮𝐧𝐢𝐯𝐞𝐫𝐬𝐢𝐭𝐚́𝐫𝐢𝐮 𝐬𝐢𝐫𝐚 𝐢𝐡𝐚 𝐩𝐫𝐨𝐬𝐞𝐮𝐬 𝐤𝐨𝐧𝐭𝐫𝐮𝐬𝐚𝐮𝐧 𝐞𝐬𝐭𝐚𝐝𝐮 𝐧𝐨 𝐚𝐬𝐞𝐠𝐮𝐫𝐚 𝐧𝐚𝐟𝐚𝐭𝐢𝐧 𝐞𝐬𝐭𝐚𝐛𝐢𝐥𝐢𝐝𝐚𝐝𝐞 𝐧𝐚𝐬𝐢𝐨𝐧𝐚́𝐥 𝐢𝐡𝐚 𝐤𝐨𝐧𝐭𝐞𝐤𝐭𝐮 𝐤𝐨𝐧𝐟𝐥𝐢𝐭𝐮 𝐝𝐞𝐥𝐢𝐦𝐢𝐭𝐚𝐬𝐚𝐮𝐧 𝐟𝐫𝐨𝐧𝐭𝐞𝐢𝐫𝐚 𝐞𝐧𝐭𝐫𝐞 𝐓𝐢𝐦𝐨𝐫-𝐋𝐞𝐬𝐭𝐞 𝐧𝐨 𝐈𝐧𝐝𝐨𝐧𝐞́𝐳𝐢𝐚,” nia hatete.

Ho baze interese nasionál, KSUJETL hamriik hodi promove espíritu Nasionalizmu, atu nune’e, sosiedade no akadémiku sira bele kompriende asuntu fronteira terrestre entre Timor-Leste no Repúblika Indonézia katak la’ós projetu pesoál ida nian, maibé ne’e projetu estadu, nasaun nian no povu nian ne’ebé tenke determina iha tempu ida ne’e.

KSUJETL sei kontinua suporta Governasaun Xanana atu  hametin no hatuur definiasaun liña fronteiraRDTL ho Indonézia hosi rai marna, tasi no lalehan sai prioridade hodi kompleta no hametin Timor-Leste nia soberania territorial Timor-Leste nian. Soberani ida ne’ebé sidadauk idak-idak sei labele partidaliza ho interese privadu, grupu ka partidu politika ida nian,

José da Costa Magno reforsa tan, KSUJETL sempre hamriik iha momentu ne’ebé  krusial ba interese nasionál,  sira tenta atu hakoi interese pesoál sira para depois la mete ba politika, grupu maibé mete de’it ba saida mak sai kauza nasionál no kauza povu tomak nian.

𝐋𝐄𝐑𝐄 𝐀𝐍𝐀𝐍 𝐓𝐈𝐌𝐎𝐑 𝐇𝐔𝐒𝐔 𝐅𝐎́ 𝐅𝐈𝐀𝐑 𝐁𝐀 𝐗𝐀𝐍𝐀𝐍𝐀

Iha parte hanesan,  Eis Xefe Estadu Maiór Jeneral F-FDTL Majór Jeneral, Lere Anan Timor ne’ebé partisipa iha semináriu ne’e husu ba foin sa’e sira atu konfia nafatin Lider Nasionál, Kay Rala Xanana ho ekipa hodi finaliza servisu ne’e.

Lere Anan Timor husu atu ema sukat ibun hasoru Xanana, tanba la’òs foin agora maka Xanana defende soberani Timor-Leste, maibé iha funu Xanana hatudu kedas ona too mai ohin loron.

“𝐇𝐚’𝐮 𝐡𝐚𝐧𝐨𝐢𝐧 𝐞𝐬𝐩𝐥𝐢𝐤𝐚𝐬𝐚𝐮𝐧 𝐌𝐚𝐮𝐧 𝐁𝐨𝐨𝐭 𝐗𝐚𝐧𝐚𝐧𝐚 𝐤𝐥𝐚𝐫𝐮, 𝐚𝐠𝐨𝐫𝐚 𝐢𝐭𝐚 𝐡𝐨𝐭𝐮 𝐭𝐞𝐧𝐤𝐢 𝐡𝐚𝐦𝐮𝐭𝐮𝐤 𝐡𝐨𝐝𝐢 𝐚𝐩𝐨𝐢𝐚 𝐛𝐚 𝐬𝐞𝐫𝐯𝐢𝐬𝐮 𝐧𝐞’𝐞𝐛𝐞́ 𝐧𝐢𝐚 𝐡𝐚𝐥𝐨, 𝐥𝐚’𝐨̀𝐬 𝐩𝐨𝐥𝐢𝐭𝐢𝐳𝐚 𝐭𝐮𝐧 𝐬𝐚’𝐞 𝐟𝐚𝐥𝐢, 𝐭𝐚𝐧𝐛𝐚 𝐢𝐭𝐚 𝐧𝐢𝐚 𝐩𝐨𝐯𝐮 𝐢𝐡𝐚 𝐎𝐞́-𝐂𝐮𝐬𝐬𝐞 𝐦𝐨́𝐬 𝐡𝐚𝐭𝐞𝐧𝐞 𝐢𝐝𝐚 𝐧𝐞’𝐞,” dehan Lere.

Entretantu, Xefe Ekipa Téknika Negosiasaun Fronteira Terrestre ba Segmento Não Rezolvido TL-RI, Embaixador Roberto Soares reforsa katak, ohin loron sosiedade Timor liu-liu parte lider opozisaun balun hanoin sala hodi defema servisu ekipa nian, maibé, ekipa kontinua servisu ho domin defende pozisaun Timor-Leste atu rezolve direitu soberania Timor-Leste nian tuir aspetu sosial, kulturál antropolójiku.

Roberto hatutan, iha negosiasaun ne’e halo bazeia ba akordu provizóriu iha 2005 ne’ebé haree ba segimentu tolu mak fronteira mota Memo Munisípiu Bobonaro, no rua seluk mak iha enklave Oé-Cusse nian, ida iha Bizaela Sunan Obe no ida mak Noel Besi Citrana Naktuka.

Atu solusiona segimentu naun rezolvidu sira ne’e, iha 2013 Timor-Leste no Indonézia konsege solusiona tiha segimentu Memo iha Munisípiu Bobonaro, iha mota ida naran Dilolme Memo parte hotu-hotu iha konkordánsia hodi utiliza liña mediana ka median line katak mota ne’e fahe bá rua, sorin balu Timor-Leste nian no sorin seluk Indonézia nian haree husi perspetiva legal, antropolójika, sosial-kultural no vida uma populasaun sira iha parte fronteira.

“𝐀𝐭𝐮 𝐫𝐞𝐳𝐨𝐥𝐯𝐞 𝐬𝐞𝐠𝐢𝐦𝐞𝐧𝐭𝐮 𝐧𝐚𝐮𝐧 𝐫𝐞𝐳𝐨𝐥𝐯𝐢𝐝𝐮 𝐫𝐮𝐚 𝐡𝐚𝐧𝐞𝐬𝐚𝐧 𝐁𝐢𝐳𝐚𝐞𝐥𝐚 𝐒𝐮𝐧𝐚𝐧 𝐎𝐛𝐞 𝐧𝐨 𝐢𝐝𝐚 𝐦𝐚𝐤 𝐍𝐨𝐞𝐥 𝐁𝐞𝐬𝐢 𝐂𝐢𝐭𝐫𝐚𝐧𝐚 𝐍𝐚𝐤𝐭𝐮𝐤𝐚 𝐦𝐚𝐤𝐚 𝐞𝐤𝐢𝐩𝐚 𝐭𝐞́𝐤𝐧𝐢𝐤𝐮 𝐬𝐢𝐫𝐚 𝐡𝐚𝐫𝐞𝐞 𝐭𝐫𝐚𝐝𝐮́𝐬 𝐩𝐨𝐧𝐭𝐮 𝐤𝐨𝐫𝐝𝐢𝐧𝐚𝐝𝐚𝐬 𝐬𝐢𝐫𝐚 𝐧𝐞’𝐞 𝐛𝐚 𝐦𝐚𝐩𝐚, 𝐝𝐞𝐩𝐨𝐢𝐬 𝐤𝐨𝐦𝐞𝐬𝐚 𝐚𝐧𝐚𝐥𝐢𝐳𝐚 𝐧𝐨 𝐡𝐚𝐡𝐮́ 𝐡𝐚𝐥𝐨 𝐭𝐫𝐚𝐝𝐮𝐬𝐚𝐮𝐧 𝐛𝐚 𝐦𝐚𝐩𝐚 𝐬𝐢𝐫𝐚 𝐧𝐞’𝐞 𝐚𝐭𝐮 𝐬𝐚𝐢 𝐝𝐨𝐤𝐮𝐦𝐞𝐧𝐭𝐮 𝐨𝐟𝐢𝐬𝐢𝐚́𝐥. 𝐁𝐮𝐚𝐭 𝐧𝐞’𝐞 𝐩𝐫𝐨𝐬𝐞𝐬𝐮 𝐢𝐝𝐚 𝐧𝐞’𝐞𝐛𝐞́ 𝐬𝐮𝐟𝐭𝐢𝐟𝐢𝐤𝐚𝐝𝐮, 𝐫𝐢𝐠𝐨𝐫𝐨𝐳𝐮, 𝐨𝐢𝐧𝐬𝐚́ 𝐦𝐚𝐤 𝐢𝐭𝐚 𝐚𝐭𝐮 𝐝𝐞𝐟𝐞𝐧𝐝𝐞 𝐛𝐮𝐚𝐭 𝐧𝐞’𝐞𝐛𝐞́ 𝐢𝐭𝐚 𝐧𝐢𝐚𝐧, 𝐚𝐭𝐮 𝐧𝐮𝐧𝐞’𝐞, 𝐦𝐚𝐤 𝐢𝐭𝐚 𝐛𝐞𝐥𝐞 𝐦𝐚𝐧𝐚𝐧 𝐛𝐮𝐚𝐭 𝐧𝐞’𝐞𝐛𝐞́ 𝐢𝐭𝐚 𝐥𝐮𝐭𝐚 𝐝𝐮𝐫𝐚𝐧𝐭𝐞 𝐧𝐞’𝐞 𝐡𝐚𝐦𝐮𝐭𝐮𝐤 𝐡𝐨 𝐦𝐚𝐮𝐧 𝐛𝐨𝐨𝐭 𝐗𝐚𝐧𝐚𝐧𝐚,” tenik Roberto.

Ekipa foin lalais fila hosi Jakarta ba kedas fronteira Oé-Cusse hodi esklarese ba povu sira kona-ba fronteira Bizaela Sunan Obe no Noel Besi Citrana Naktuka sei kontinua rezolve too hetan konsensu ida. foin nasaun rua bele selebra akordu formal.

Reportagem : Eva Ximenes

 2,443 Tatal Lee,  1 Views Today