Dili, yokalaumedia.com (27/3/2023). Komisaun Nasionál Eleisaun (CNE Sigla Portugés) realiza Komunikadu impresa konjuntu entre CNE-STAE-IFES ko’alia kona ba Realizasaun programa Edukasaun Sívika no edukasaun votantes.

Programa ne’e importante atu nune’e bele fo hanoin no eduka sidadaun sira hodi ezerse sira nia deiretu ho diák iha eventu kada tinan 5 ne’e.

Presidente CNE, José Agostinho Belo, rekoñese katak OVID-16 nu’udar grupu internasionalmente rekoñesidu ne’ebe aprezenta teatru no mujika ba sidadaun sira hodi motiva no informa kona ba prosesu elesaun parlamentar tinan ida ne’e tanba ne’e órgaun eleitoral no parseria sira hili Banda ne’e hodi realiza Programa edukasaun sívika no edukasaun votante.

Rofino Leandro, reprezentante OVID 16 kompromete atu motiva sidadaun sira  hodi partisipa iha eleisaun parlamentar 2023 no sensibiliza komunidade timor-oan kona ba prosesu votasaun liu husi teatru no mujika.

“ OVID 16 apresia tebes oportunidade ne’ebe fornese husi (USAID) no ami sei apresenta teatru no mujika ba komunidade sira husi munisipiu 6 hanesan Ainaru, Bobonaru, Ermera, Lautem, Oe-cusse, no Viqueque. Apresentasaun ne’e foka liu ba sidadaun sira ne’ebe menus kuinesimentu ba prosesu eleisaun nian”, haktuir Rofino.

programa refere sei realiza hahu husi Oe-cusse ne’ebe monu iha loron 28 marsu no remata iha Ainaru iha loron 18 Abril 2023.

Entretantu, apoiu finansiál sei responsabiliza husi  Fundasaun Internasinál ba Sistema Eleisaun (IFES) liu husi Ajensia Estadus Unidus ba Dezemviovimentu Internasionál (USAID) ho nia programa hodi suporta eleisaun parlamentar ne’ebe seguru husi OVID 16.

Repotazem: Nito Rangel & Aque Ximenes

 263 Tatal Lee,  1 Views Today