Díli-yokalaumedia.com (05/05/2023) Partidu Unidade Dezemvolvimentu Demokratiku (PUDD) realiza kampanha eleitoral iha Tasitolu Munisipiu Díli hodi atrai públiku nia konfiansa atu manan iha eleisaun parlamentar tinan ne’e.

Iha Komisiu abertu ne’e, Prezidente PUDD, Silvestre Xavier Sufa kompromete sei halo mudansa ba ekonomia rai-laran no sei reduz númeru dezempregu iha Timor.

“bainhira PUDD manan sei lori Investor internasionál mai hodi investe no kria empregu ba timor-oan sira, espesialmente ba foin-sa’e sira”, promete Sufa.

Líder foin-sa’e ne’e mos hakle’an liu tan katak sei kria kondisaun ba emprezáriu timor-oan sira.

“programa PUDD nian mak sei kria lei ida ne’ebe bele fo oportunidade ba emprezariu lokal sira iha kapital no teritóriu laran atu asesu ba kreditu ho funan ki’ik atu bele kompete ho emprezariu estrangeiru sira, tanba durante ne’e emprezariu lokàl la iha kapasidade finanseira ne’ebe naton, nune’e fo biban ba estranjeiru mak dumina iha sidade Díli“, esplika Silvestre Sufa.

Partidu PUDD, ne’ebe inisia husi saudozu Fera Leo Laku no Adjuntu Xefe Estadu Maior Forsa Armada aliás Adjuntu Matos La’o-Rai, ne’e mos tau prioridade ba fatin turistiku sira iha Dili laran, hodi hatama reseita ba estadu no mos sei aposta ba dezenvolvevimentu iha área defeza no seguransa, hasa’e kualidade edukasaun, investe iha agrikultura no

Militante no simpatizante sira ho entuziasmu partisipa iha komisiu refere hodi rona direita programa partidu nian molok ba ezerse sira nia direitu iha loron 21 maio, no halo konvoiu husi tasitolu to’o Bidau.

Tuir observasaun ekipa www.yokalaumedia nian katak atividade polítika ne’e hetan seguransa másima husi PNTL no observa direta husi órgaun eleitoral hanesan CNE no observador internasionál.

Tuir horariu, Partidu Unidade Dezenvolvimentu Demokrátiku (PUDD) sei hala’o fali kampanha iha Munisipiu Atauro iha loron 7 maio.

Reportagem : Joanito Rangel

 2,425 Tatal Lee,  1 Views Today