Díli, yokalaumedia.com (19/06/2023)- Timor-Leste lakon tan heroi jerasaun ida, Luis Lobato, Líder di’ak ida husi Partidu FRETILIN no Heroina Jerasaun foun ida, Dra. Isabel da Costa Ferreira, kaben husi Antigu Presidente Repúblika (2012-2017), General Reformadu Taur Matan Ruak, atual Primeiru-Ministru.

Prezidente Partidu Congresso Nasional Reconstruçã Timorense (CNRT), bainhira atu hahuu konferénsia Nasionál partidu nian, iha “Um Minuto de Silêncio”,  Kay Rala Xanana Gusmao expresa nia laran triste ba falesimentu husi Saudozu Luis  Lobato no Espoza Primeiru-Ministru, Dra. Isabel da Costa Ferreira.

“Hau hodi partidu CNRT nia naran hato’o sentidu kondolénsia profunda ba matebian Luis Lobato ho espoza Primeiru-Ministru Dona Isabel Ferreira ne’ebe fila hikas ona ba hamutuk ho Aman Maromak, no husik hela ona oan, familia, no parentes tomak”, hato’o Xanana Gusmão, iha Segunda-feira, 19/06, ne’e.

Xanana husu mos ba ema hotu atu reza  ba Matebian Saudozo Luis Lobato ho Saudoza Isabel Ferreira sira nia klamar atu Maromak bele perdua sira nia sala hotu no simu sira ba hamutuk iha Aman Maromak nia kadunan Santo.

Reportajem: Eva Ximenes & Joanito Rangel

 2,165 Tatal Lee,  1 Views Today