Díli, yokalaumedia.com (31/08/2023) – Sekretáriu Estadu Komunikasaun Sosiál asina kontratu ho media imprimi 5 hodi sosa produto media hirka ne’e atu distribui ba manisipiu 12 la inklui Oe-cuse.

Sekretáriu Estadu  Komunikasaun Sosiál, Expedito Dias Ximenes, esplika katak média mak pilar importante ba demokrasia hodi halo kontrolu sosiál ba Estadu ida ne’e.

“governu fo apoiu atu fortifika média iha Timor-Leste hodi nune’e sira bele sai informador ida di’ak liu tan, tamba  média sai pilar importante ba demokrasia tamba ne’e média tenki kualidade hodi bele kontrola demokrasia, ohin média konvensional privadu lima(Independent, Diario Nacional , Díli post, STL no Timor pos, hamutuk ho governu hodi lori informasaun ba iha públiku li-liu ba iha área rural “, esplika Expedito.

SECOMS mos sublina katak programa IX governu nian iha area komunikasaun sosiál ne’e ida mak fortalesimentu média sira hanesan streaming, plataforma online no televizaun atu bele dezenvolve aan hodi nune’e media sira mos bele sai forte, ida ne’e apoiu indireta no sei iha mos apoiu direita.

Expedito mos apela katak governu sei apoiu ho meius oi-oin, maibe la signifika governu atu intervén ita bo’ot sira nia produtu jornalitiku, produtu jornalistiku nafatin lao tuir kodigu Jornalista nian.

Salvador Ximenes Soares Nain Ba média STL, haktuir katak apoiu ne’e bele ajuda ona média sira atu bele book-an.

Kontratu ne’e asina entre Sekretaria Estadu Komunikasaun Sosiál ho media imprime 5 ne’e sei konklui iha fulan-Dezembru tinan ne’e.

Reportagem: Joanito Rangel

 1,247 Tatal Lee,  1 Views Today