Díli, yokalaumedia.com (29/02/2024) – Primeiru-Ministru (PM), Kay Rala Xanana Gusmão hala’o enkontru ho Embaixadór Malázia ba Timor-Leste, Amarjit Sarjit Singh ho delegasaun setór privadu sira hodi atualiza informasaun kona-ba kooperasaun servisu ne’ebé setór privadu Malázia atu loke investimentu iha Timor-Leste.

Delegasaun setór privadu Malázia intersante hakarak koopera ho governu Timor-Leste iha setór saúde, investimentu ba setór petroliu no gás no seluk tan.

“Enkontru ohin ha’u lori delegasaun setòr privadu hosi Malázia hasoru malu ho Primeiru-Ministru Xanana deskute asuntu importante sira ne’ebé antes ne’e hala’o ona deskusaun mai hodi atualiza fila fali informasaun teknika sira  ba Primeiru-Ministru kona-ba esforsu sira antes Embaixada Malázia inklui  setór privadu Malázia ne’ebé ami konkorda atu dezenvolve sistema saúde ne’ebé di’ak iha Timor-Leste, no ami deskute mós kona-ba atu dezenvolve setór petroliferu iha Timor-Leste  no investe iha área saúde no seguransa alimentar, asuntu rua espesifiku rua ne’e ami ho Pimeiru-Ministru ko’alia,” informa Embaixadór Malazia, Amarjit Sarjit Singh, ba jornalista, hafoin ekontru ho Xefe Governu iha Palasiu Governu, Dili.

Alen de ne’e, Embaixadór Amarjit Sarjit Singh atualiza ba xefe governu kona-ba akordu Governu Malázia no Timor-Leste ne’ebe atu asina akordu formal iha área Aero nian hodi fasilita aviaun hosi Malázia semo mai Timor-Leste no aviaun hosi Timor-Leste semo ba Malázia.

“Iha oportunidade ida ne’e mós ha’u atualiza mós ba Primeiru-Ministru Xanana kona-ba asuntu akordu Aero nian ne’ebé sei asina entre nasaun Malázia no Tiomr-Leste ne’ebé remata ona deskusaun no agora hein atu asina akordu hodi ita bele fasilita aviun bele semo ona tuir orariu hosi Kuala Lumpur mai Dili no Dili ba Kuala Lumpur iha tempu badak”, nia hatete.

Nia dehan, durante enkontru, Xefe Governu Xanana agradese no promete sei autaliza informasaun sira ne’e hotu ba membru governu tutela sira atu apoia servisu hotu ne’ebé Timor-Leste no Malazia koopera bele finaliza lalais akordu hirak ne’e iha tempu besik.

Entretantu, antes ne’e, Governu Malázia mós deklara sei ajuda politika desentralizasaun ne’ebé IX Governu Konstitusionál sei implementa iha Timor-Leste.

Reportagem : Eva Ximenes

 905 Tatal Lee,  1 Views Today