Dili-yokalaumedia.com (01/04/2023)- “ami nia partidu PUDD preparadu atu hasoru eleisaun ne’e no garante sei ultrapasa bareira iha eleisaun parlamentar 2023”.

Afirmasaun ne’e hato’o husi Vise-Prezidente komisaun Polítika Nasionál-PUDD, Leonardo Lúcio Gomes, bainhira hala’o entrevista ida ho yokalaumedia.com iha nia residénsia Komoro Díli, Sexta-Feira ne’e (31/03).

Líder foin-sa’e ne’e mos justifika katak durante ne’e estrutura PUDD iha baze konsilidadu di’ak liu kompara ho tinan lima ba kotuk.

“Ami nia preparasaun agora lahanesan iha tinan 2017 ho 2018 tamba uluk ami, estrutura nasional, mak tun direta hodi organiza iha baze, maibe agora oin seluk, estrutura baze mak prepara hafoin Nasional tun hodi konsolida no fo pose de’it”, hateten vise-KPN

Relativamente ho preparasaun partidu nian ba eleisaun parlamentar tinan ne’e, Leonardo, alias “Andy Gomes”, ne’ebe hanesan mos jerasaun kontinuadór PUDD, afirma katak sira prepara ho másimu ona atu kompete ho partidu sira seluk iha festa Demokrátiku no preparadu atu hakat ba kampanha eleitoral hodi fa’an partidu nia programa ba povu,  ne’be sei realiza iha 18 abril to’o 19 maio 2023 ne’e.

Nia mos realsa liu tan PUDD tuir númeru sorteiu ne’ebe publika husi Tribunal Rekursu iha loron 25 marsu liu ba katak Partidu Unidade Dezenvolvimentu Demokrátiku (PUDD) hetan númeru 8.

Komisáriu Polítika Nasionál ne’e mos garante PUDD sei ultrapasa bareira hodi hetan mos fatin iha parlamentu nasionál.

“PUDD sei liu baireira parlamentar no liu ho kualidade no ami sei hetan kadeira 5 iha uma-fukun”, garante Andy.

Reportagem : Eva Ximenes

 353 Tatal Lee,  1 Views Today