Díli, yokalaumedia.com (13/10/2023) – Fundu Nasoins Unidas ba Populasaun (UNFPA) ho Asosiasaun jornalista Timor-Leste (AJTL) ofisialmente estabelese akordu kooperasaun hodi promove direitu saúde seksuál no reprodutiva iha Timor-Leste.

Representante UNFPA iha Timor-Leste, Pressia Arifin-Cabo, rekoñese importánsia média nia papel hodi divulga informasaun ba públiku.

“ami hatene katak média hala’o nia papel importante hodi fahe informasaun  sira ne’ebé ligadu ho isu joventude sira nian, maternidade, mortalidade inan no mos isu sira ne’ebé akontese, tamba ne’e ami presija média sira atu fó sai informasaun ida ne’ebé kredibel no loloos ba públiku”, esplika Pressia Arifin-Cabo iha kaikoli Díli.

Entretantu reprezentante UNFPA mos afirma katak papel média nian oinsa bele influénsia públiku hodi halo mudansa informasaun ba sosiadade.

”  liu hosi programa treinamentu kolaborativu, ne’ebé ami parseria dadauk ho Jornalista no Organizasaun média sira atu fornese notisia ne’ebé bazeia ba evidensia ba iha kestaun  saúde seksuál no reprodutiva, juventude, idade populasaun no preokupasaun demográfiku sira seluk. Purtantu Iha era dijitál ida ne’e, ho espalla notisia falsu no informasaun sira ne’ebé laloos bele fó impaktu positivu ba feto no labarik feto sira nia moris, liliu bainhira hasoru desizaun sira ne’ebé komplikadu liga ho partu, bainhira no iha ne’ebé maka buka tulun karik hetan Violénsia, prevensaun ba Infeksaun Hada’et husi Relasaun Seksuál sira, no isin-rua ho idade ki’ik.UNFPA haree papel krítiku husi média sira iha dizeminasaun informasaun ne’ebé loloos kona-ba tõpiku sira , hanesan sira serve nu’udár fonte informasaun dahuluk ba populasaun maioria, liliu ba foinsa’e sira ne’ebé asesu ba internet”, afirma UNFPA.

Iha fatin hanesan  presidente AJTL, Zivonia Vieira, apresia  kolaborasaun ne’ebé UNFPA halo ho AJTL hodi halo advokasia ba ema vulnerável sira.

” Asosiasaun jornalista Timor-Leste apresia tebes ho UNFPA halo, pela primeira vez AJTL kolabora ho UNFPA foka liu ba kestaun saúde feto nian no oinsa mak halo kobertura kona-ba Violensia hasoru feto no labarik. Média nia kobertura ne’e mos  atu halo advokasi Oinsa atu muda Ema nia hahalok hodi influénsia makaer ukun sira nia Desizaun hodi fo protesaun ba grupu vulnerável sira”, hatutan zivonia.

Alémde ne’e Zivonia mos subliña katak liu husi akordu ne’e bele kapasita jornalista sira ba área saúde nian.

” ita hatene katak ita nia kobertura iha saúde ne’e sei menus tamba ne’e presiza hasa’e liu tan númeru kona ba kobertura ne’e liu-liu saúde ba feto no ema vulnerável sira”, subliña Zivonia.

Nia informa katak parte rua sei tur hamutuk hodi diskute planu no Kalendáriu iha fulan tuir mai.

Reportagem : Joanito Rangel

 9,951 Tatal Lee,  1 Views Today